| Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૨. દેસનાસુત્તં
2. Desanāsuttaṃ
૩૯. વુત્તઞ્હેતં ભગવતા, વુત્તમરહતાતિ મે સુતં –
39. Vuttañhetaṃ bhagavatā, vuttamarahatāti me sutaṃ –
‘‘તથાગતસ્સ, ભિક્ખવે, અરહતો સમ્માસમ્બુદ્ધસ્સ દ્વે ધમ્મદેસના પરિયાયેન ભવન્તિ. કતમા દ્વે? ‘પાપં પાપકતો પસ્સથા’તિ – અયં પઠમા ધમ્મદેસના; ‘પાપં પાપકતો દિસ્વા તત્થ નિબ્બિન્દથ વિરજ્જથ વિમુચ્ચથા’તિ – અયં દુતિયા ધમ્મદેસના. તથાગતસ્સ, ભિક્ખવે, અરહતો સમ્માસમ્બુદ્ધસ્સ ઇમા દ્વે ધમ્મદેસના પરિયાયેન ભવન્તી’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Tathāgatassa, bhikkhave, arahato sammāsambuddhassa dve dhammadesanā pariyāyena bhavanti. Katamā dve? ‘Pāpaṃ pāpakato passathā’ti – ayaṃ paṭhamā dhammadesanā; ‘pāpaṃ pāpakato disvā tattha nibbindatha virajjatha vimuccathā’ti – ayaṃ dutiyā dhammadesanā. Tathāgatassa, bhikkhave, arahato sammāsambuddhassa imā dve dhammadesanā pariyāyena bhavantī’’ti. Etamatthaṃ bhagavā avoca. Tatthetaṃ iti vuccati –
‘‘તથાગતસ્સ બુદ્ધસ્સ, સબ્બભૂતાનુકમ્પિનો;
‘‘Tathāgatassa buddhassa, sabbabhūtānukampino;
પરિયાયવચનં પસ્સ, દ્વે ચ ધમ્મા પકાસિતા.
Pariyāyavacanaṃ passa, dve ca dhammā pakāsitā.
તતો વિરત્તચિત્તાસે, દુક્ખસ્સન્તં કરિસ્સથા’’તિ.
Tato virattacittāse, dukkhassantaṃ karissathā’’ti.
અયમ્પિ અત્થો વુત્તો ભગવતા, ઇતિ મે સુતન્તિ. દુતિયં.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૨. દેસનાસુત્તવણ્ણના • 2. Desanāsuttavaṇṇanā
