| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
เทสนาคามินิยาทิวณฺณนา
Desanāgāminiyādivaṇṇanā
๔๗๕. เทฺว สํวาสกภูมิโยติ เอตฺถ ภูมีติ อวตฺถาฯ องฺคหีนตา การณเวกลฺลวเสนปิ เวทิตพฺพาติ อาห ‘‘อปิเจตฺถา’’ติอาทิฯ เอส นโยติ ‘‘อปิเจตฺถา’’ติอาทินา วุตฺตนโยฯ วนปฺปติํ ฉินฺทนฺตสฺส ปาราชิกนฺติ อทินฺนาทาเน วนปฺปติกถาย อาคตํ ปรสนฺตกํ สนฺธาย วุตฺตํฯ วิสฺสฎฺฐิฉฑฺฑเนติ สุกฺกวิสฺสฎฺฐิยา โมจเนฯ ทุกฺกฎา กตาติ ทุกฺกฎํ วุตฺตํฯ ปฐมสิกฺขาปทมฺหิเยวาติ ภิกฺขุโนวาทกวคฺคสฺส ปฐมสิกฺขาปเทเยวฯ อามกธญฺญํ วิญฺญาเปตฺวา ภุญฺชนฺติยา ปุพฺพปโยเค ทุกฺกฎํ, อโชฺฌหาเร ปาจิตฺติยํฯ
475.Dve saṃvāsakabhūmiyoti ettha bhūmīti avatthā. Aṅgahīnatā kāraṇavekallavasenapi veditabbāti āha ‘‘apicetthā’’tiādi. Esa nayoti ‘‘apicetthā’’tiādinā vuttanayo. Vanappatiṃ chindantassa pārājikanti adinnādāne vanappatikathāya āgataṃ parasantakaṃ sandhāya vuttaṃ. Vissaṭṭhichaḍḍaneti sukkavissaṭṭhiyā mocane. Dukkaṭā katāti dukkaṭaṃ vuttaṃ. Paṭhamasikkhāpadamhiyevāti bhikkhunovādakavaggassa paṭhamasikkhāpadeyeva. Āmakadhaññaṃ viññāpetvā bhuñjantiyā pubbapayoge dukkaṭaṃ, ajjhohāre pācittiyaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๒. เทสนาคามินิยาทิอาปตฺติ • 2. Desanāgāminiyādiāpatti
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / (๒) เทสนาคามินิยาทิวณฺณนา • (2) Desanāgāminiyādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / กายิกาทิอาปตฺติวณฺณนา • Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / กายิกาทิอาปตฺติวณฺณนา • Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / (๒) เทสนาคามินิยาทิวณฺณนา • (2) Desanāgāminiyādivaṇṇanā
