| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဒဋ္ဌဗ္ဗသုတ္တဝဏ္ဏနာ
5. Daṭṭhabbasuttavaṇṇanā
၂၅၃. ဝိပရိဏာမနဝသေန ဒုက္ခတော ဒဋ္ဌဗ္ဗာတိ ကိဉ္စာပိ သုခာ, ပရိဏာမဒုက္ခတာ ပန သုခဝေဒနာယ ဧကန္တိကာတိ။ ဝိနိဝိဇ္ဈနဋ္ဌေနာတိ ပီဠနဝသေန အတ္တဘာဝသ္သ ဝိဇ္ဈနဋ္ဌေန။ ဟုတ္ဝာတိ ပစ္စယသမာဂမေန ဥပ္ပဇ္ဇိတ္ဝာ။ တေန ပာကဘာဝပုဗ္ဗကော အတ္တလာဘော ဝုတ္တော။ အဘာဝာကာရေနာတိ ဘင္ဂုပဂမနာကာရေန။ တေန ဝိဒ္ဓံသဘာဝော ဝုတ္တော။ ဥဘယေန ဥဒယဗ္ဗယပရိစ္ဆိန္နတာယ သိခပ္ပတ္တံ အနိစ္စတံ ဒသ္သေတိ။ သ္ဝာယံ ဟုတ္ဝာ အဘာဝာကာရော ဣတရာသုပိ ဝေဒနာသု လဗ္ဘတေဝ, အဓိကော စ ပန ဒ္ဝိန္နံ ဒုက္ခသဘာဝော။ ဒုက္ခတာဝသေန ပုရိမာနံ ဝေဒနာနံ ဒဋ္ဌဗ္ဗတာယ ဒသ္သိတတ္တာ ပစ္ဆိမာယ ဝေဒနာယ ဧဝံ ဒဋ္ဌဗ္ဗတာ ဒသ္သိတာ။ အဒ္ဒာတိ ဉာဏဂတိယာ သစ္ဆိကတ္ဝာ အဒက္ခိ။ ဉာဏဂမနဉ္ဟေတံ, ယဒိဒံ ဒုက္ခတော ဒသ္သနံ။ သန္တသဘာဝံ သုခဒုက္ခတော ဥပသန္တရူပတ္တာ။
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
ဒဋ္ဌဗ္ဗသုတ္တဝဏ္ဏနာ နိဋ္ဌိတာ။
Daṭṭhabbasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဒဋ္ဌဗ္ဗသုတ္တံ • 5. Daṭṭhabbasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဒဋ္ဌဗ္ဗသုတ္တဝဏ္ဏနာ • 5. Daṭṭhabbasuttavaṇṇanā
