| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౫. దట్ఠబ్బసుత్తవణ్ణనా
5. Daṭṭhabbasuttavaṇṇanā
౨౫౩. విపరిణామనవసేన దుక్ఖతో దట్ఠబ్బాతి కిఞ్చాపి సుఖా, పరిణామదుక్ఖతా పన సుఖవేదనాయ ఏకన్తికాతి. వినివిజ్ఝనట్ఠేనాతి పీళనవసేన అత్తభావస్స విజ్ఝనట్ఠేన. హుత్వాతి పచ్చయసమాగమేన ఉప్పజ్జిత్వా. తేన పాకభావపుబ్బకో అత్తలాభో వుత్తో. అభావాకారేనాతి భఙ్గుపగమనాకారేన. తేన విద్ధంసభావో వుత్తో. ఉభయేన ఉదయబ్బయపరిచ్ఛిన్నతాయ సిఖప్పత్తం అనిచ్చతం దస్సేతి. స్వాయం హుత్వా అభావాకారో ఇతరాసుపి వేదనాసు లబ్భతేవ, అధికో చ పన ద్విన్నం దుక్ఖసభావో. దుక్ఖతావసేన పురిమానం వేదనానం దట్ఠబ్బతాయ దస్సితత్తా పచ్ఛిమాయ వేదనాయ ఏవం దట్ఠబ్బతా దస్సితా. అద్దాతి ఞాణగతియా సచ్ఛికత్వా అదక్ఖి. ఞాణగమనఞ్హేతం, యదిదం దుక్ఖతో దస్సనం. సన్తసభావం సుఖదుక్ఖతో ఉపసన్తరూపత్తా.
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
దట్ఠబ్బసుత్తవణ్ణనా నిట్ఠితా.
Daṭṭhabbasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౫. దట్ఠబ్బసుత్తం • 5. Daṭṭhabbasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. దట్ఠబ్బసుత్తవణ్ణనా • 5. Daṭṭhabbasuttavaṇṇanā
