| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၃၄. ဒာသဝတ္ထု
34. Dāsavatthu
၉၇. တေန ခော ပန သမယေန အညတရော ဒာသော ပလာယိတ္ဝာ ဘိက္ခူသု ပဗ္ဗဇိတော ဟောတိ။ အယ္ယကာ 1 ပသ္သိတ္ဝာ ဧဝမာဟံသု – ‘‘အယံ သော အမ္ဟာကံ ဒာသော။ ဟန္ဒ, နံ နေမာ’’တိ။ ဧကစ္စေ ဧဝမာဟံသု – ‘‘မာယ္ယော, ဧဝံ အဝစုတ္ထ, အနုညာတံ ရညာ မာဂဓေန သေနိယေန ဗိမ္ဗိသာရေန ‘‘ယေ သမဏေသု သက္ယပုတ္တိယေသု ပဗ္ဗဇန္တိ, န တေ လဗ္ဘာ ကိဉ္စိ ကာတုံ, သ္ဝာက္ခာတော ဓမ္မော, စရန္တု ဗ္ရဟ္မစရိယံ သမ္မာ ဒုက္ခသ္သ အန္တကိရိယာယာ’’တိ။ မနုသ္သာ ဥဇ္ဈာယန္တိ ခိယ္ယန္တိ ဝိပာစေန္တိ – ‘‘အဘယူဝရာ ဣမေ သမဏာ သက္ယပုတ္တိယာ, နယိမေ လဗ္ဘာ ကိဉ္စိ ကာတုံ။ ကထဉ္ဟိ နာမ သမဏာ သက္ယပုတ္တိယာ ဒာသံ ပဗ္ဗာဇေသ္သန္တီ’’တိ။ ဘဂဝတော ဧတမတ္ထံ အာရောစေသုံ။ န, ဘိက္ခဝေ, ဒာသော ပဗ္ဗာဇေတဗ္ဗော။ ယော ပဗ္ဗာဇေယ္ယ, အာပတ္တိ ဒုက္ကဋသ္သာတိ။
97. Tena kho pana samayena aññataro dāso palāyitvā bhikkhūsu pabbajito hoti. Ayyakā 2 passitvā evamāhaṃsu – ‘‘ayaṃ so amhākaṃ dāso. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha, anuññātaṃ raññā māgadhena seniyena bimbisārena ‘‘ye samaṇesu sakyaputtiyesu pabbajanti, na te labbhā kiñci kātuṃ, svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā, nayime labbhā kiñci kātuṃ. Kathañhi nāma samaṇā sakyaputtiyā dāsaṃ pabbājessantī’’ti. Bhagavato etamatthaṃ ārocesuṃ. Na, bhikkhave, dāso pabbājetabbo. Yo pabbājeyya, āpatti dukkaṭassāti.
ဒာသဝတ္ထု နိဋ္ဌိတံ။
Dāsavatthu niṭṭhitaṃ.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဒာသဝတ္ထုကထာ • Dāsavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ရာဇဘဋာဒိဝတ္ထုကထာဝဏ္ဏနာ • Rājabhaṭādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဣဏာယိကဒာသဝတ္ထုကထာဝဏ္ဏနာ • Iṇāyikadāsavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဒာသဝတ္ထုကထာဝဏ္ဏနာ • Dāsavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃၄. ဒာသဝတ္ထုကထာ • 34. Dāsavatthukathā
