| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. དསངྒསུཏྟཝཎྞནཱ
7. Dasaṅgasuttavaṇṇanā
༡༡༣. མིཙྪཏྟསམྨཏྟཝསེནཱཏི ཨེཏྠ མིཙྪཱབྷཱཝོ མིཙྪཏྟཾ, ཏཐཱ སམྨཱབྷཱཝོ སམྨཏྟཾ། ཏཐཱ ཏཐཱ པཝཏྟཱ ཨཀུསལཀྑནྡྷཱཝ མིཙྪཱསཏི, ཨེཝཾ མིཙྪཱཉཱཎམྤི དཊྛབྦཾ། ན ཧི ཉཱཎསྶ མིཙྪཱབྷཱཝོ ནཱམ ཨཏྠི། ཏསྨཱ མིཙྪཱཉཱཎིནོཏི མིཙྪཱསཉྙཱཎཱཏི ཨཏྠོ, ཨཡོནིསོ པཝཏྟཙིཏྟུཔྤཱདཱཏི ཨདྷིཔྤཱཡོ། མིཙྪཱཔཙྩཝེཀྑཎེནཱཏི མིཙྪཱདིཊྛིཨཱདཱིནཾ མིཙྪཱ ཨཡོནིསོ པཙྩཝེཀྑཎེན། ཀུསལཝིམུཏྟཱིཏི པཀཏིཔུརིསསནྟརཛཱནནཾ, གུཎཝིཡུཏྟསྶ ཨཏྟནོ སཀཏྟནི ཨཝཊྛཱནནྟི ཨེཝམཱདིཾ ཨཀུསལཔཝཏྟིཾ ‘‘ཀུསལཝིམུཏྟཱི’’ཏི གཧེཏྭཱ ཋིཏཱ མིཙྪཱཝིམུཏྟིཀཱ། སམྨཱཔཙྩཝེཀྑཎཱཏི ཛྷཱནཝིམོཀྑཱདཱིསུ སམྨཱ ཨཝིཔརཱིཏཾ པཝཏྟཱ པཙྩཝེཀྑཎཱ།
113.Micchattasammattavasenāti ettha micchābhāvo micchattaṃ, tathā sammābhāvo sammattaṃ. Tathā tathā pavattā akusalakkhandhāva micchāsati, evaṃ micchāñāṇampi daṭṭhabbaṃ. Na hi ñāṇassa micchābhāvo nāma atthi. Tasmā micchāñāṇinoti micchāsaññāṇāti attho, ayoniso pavattacittuppādāti adhippāyo. Micchāpaccavekkhaṇenāti micchādiṭṭhiādīnaṃ micchā ayoniso paccavekkhaṇena. Kusalavimuttīti pakatipurisasantarajānanaṃ, guṇaviyuttassa attano sakattani avaṭṭhānanti evamādiṃ akusalapavattiṃ ‘‘kusalavimuttī’’ti gahetvā ṭhitā micchāvimuttikā. Sammāpaccavekkhaṇāti jhānavimokkhādīsu sammā aviparītaṃ pavattā paccavekkhaṇā.
དསངྒསུཏྟཝཎྞནཱ ནིཊྛིཏཱ།
Dasaṅgasuttavaṇṇanā niṭṭhitā.
ཏཏིཡཝགྒཝཎྞནཱ ནིཊྛིཏཱ།
Tatiyavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. དསངྒསུཏྟཾ • 7. Dasaṅgasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. དསངྒསུཏྟཝཎྞནཱ • 7. Dasaṅgasuttavaṇṇanā
