| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဒသင္ဂသုတ္တဝဏ္ဏနာ
7. Dasaṅgasuttavaṇṇanā
၁၁၃. မိစ္ဆတ္တသမ္မတ္တဝသေနာတိ ဧတ္ထ မိစ္ဆာဘာဝော မိစ္ဆတ္တံ, တထာ သမ္မာဘာဝော သမ္မတ္တံ။ တထာ တထာ ပဝတ္တာ အကုသလက္ခန္ဓာဝ မိစ္ဆာသတိ, ဧဝံ မိစ္ဆာဉာဏမ္ပိ ဒဋ္ဌဗ္ဗံ။ န ဟိ ဉာဏသ္သ မိစ္ဆာဘာဝော နာမ အတ္ထိ။ တသ္မာ မိစ္ဆာဉာဏိနောတိ မိစ္ဆာသညာဏာတိ အတ္ထော, အယောနိသော ပဝတ္တစိတ္တုပ္ပာဒာတိ အဓိပ္ပာယော။ မိစ္ဆာပစ္စဝေက္ခဏေနာတိ မိစ္ဆာဒိဋ္ဌိအာဒီနံ မိစ္ဆာ အယောနိသော ပစ္စဝေက္ခဏေန။ ကုသလဝိမုတ္တီတိ ပကတိပုရိသသန္တရဇာနနံ, ဂုဏဝိယုတ္တသ္သ အတ္တနော သကတ္တနိ အဝဋ္ဌာနန္တိ ဧဝမာဒိံ အကုသလပဝတ္တိံ ‘‘ကုသလဝိမုတ္တီ’’တိ ဂဟေတ္ဝာ ဌိတာ မိစ္ဆာဝိမုတ္တိကာ။ သမ္မာပစ္စဝေက္ခဏာတိ ဈာနဝိမောက္ခာဒီသု သမ္မာ အဝိပရီတံ ပဝတ္တာ ပစ္စဝေက္ခဏာ။
113.Micchattasammattavasenāti ettha micchābhāvo micchattaṃ, tathā sammābhāvo sammattaṃ. Tathā tathā pavattā akusalakkhandhāva micchāsati, evaṃ micchāñāṇampi daṭṭhabbaṃ. Na hi ñāṇassa micchābhāvo nāma atthi. Tasmā micchāñāṇinoti micchāsaññāṇāti attho, ayoniso pavattacittuppādāti adhippāyo. Micchāpaccavekkhaṇenāti micchādiṭṭhiādīnaṃ micchā ayoniso paccavekkhaṇena. Kusalavimuttīti pakatipurisasantarajānanaṃ, guṇaviyuttassa attano sakattani avaṭṭhānanti evamādiṃ akusalapavattiṃ ‘‘kusalavimuttī’’ti gahetvā ṭhitā micchāvimuttikā. Sammāpaccavekkhaṇāti jhānavimokkhādīsu sammā aviparītaṃ pavattā paccavekkhaṇā.
ဒသင္ဂသုတ္တဝဏ္ဏနာ နိဋ္ဌိတာ။
Dasaṅgasuttavaṇṇanā niṭṭhitā.
တတိယဝဂ္ဂဝဏ္ဏနာ နိဋ္ဌိတာ။
Tatiyavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဒသင္ဂသုတ္တံ • 7. Dasaṅgasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဒသင္ဂသုတ္တဝဏ္ဏနာ • 7. Dasaṅgasuttavaṇṇanā
