| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៧. ទសង្គសុត្តំ
7. Dasaṅgasuttaṃ
១១៣. សាវត្ថិយំ វិហរតិ…បេ.… ‘‘ធាតុសោវ, ភិក្ខវេ, សត្តា សំសន្ទន្តិ សមេន្តិ។ មិច្ឆាទិដ្ឋិកា មិច្ឆាទិដ្ឋិកេហិ សទ្ធិំ សំសន្ទន្តិ សមេន្តិ; មិច្ឆាសង្កប្បា…បេ.… មិច្ឆាវាចា… មិច្ឆាកម្មន្តា… មិច្ឆាអាជីវា… មិច្ឆាវាយាមា… មិច្ឆាសតិនោ … មិច្ឆាសមាធិនោ មិច្ឆាសមាធីហិ សទ្ធិំ សំសន្ទន្តិ សមេន្តិ; មិច្ឆាញាណិនោ មិច្ឆាញាណីហិ សទ្ធិំ សំសន្ទន្តិ សមេន្តិ; មិច្ឆាវិមុត្តិនោ មិច្ឆាវិមុត្តីហិ សទ្ធិំ សំសន្ទន្តិ សមេន្តិ’’។
113. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti; micchāñāṇino micchāñāṇīhi saddhiṃ saṃsandanti samenti; micchāvimuttino micchāvimuttīhi saddhiṃ saṃsandanti samenti’’.
‘‘សម្មាទិដ្ឋិកា សម្មាទិដ្ឋិកេហិ សទ្ធិំ សំសន្ទន្តិ សមេន្តិ; សម្មាសង្កប្បា…បេ.… សម្មាវាចា… សម្មាកម្មន្តា… សម្មាអាជីវា… សម្មាវាយាមា… សម្មាសតិនោ… សម្មាសមាធិនោ… សម្មាញាណិនោ សម្មាញាណីហិ សទ្ធិំ សំសន្ទន្តិ សមេន្តិ; សម្មាវិមុត្តិនោ សម្មាវិមុត្តីហិ សទ្ធិំ សំសន្ទន្តិ សមេន្តី’’តិ។ សត្តមំ។
‘‘Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino… sammāñāṇino sammāñāṇīhi saddhiṃ saṃsandanti samenti; sammāvimuttino sammāvimuttīhi saddhiṃ saṃsandanti samentī’’ti. Sattamaṃ.
សត្តន្នំ សុត្តន្តានំ ឧទ្ទានំ –
Sattannaṃ suttantānaṃ uddānaṃ –
អសមាហិតំ ទុស្សីលំ, បញ្ច សិក្ខាបទានិ ច;
Asamāhitaṃ dussīlaṃ, pañca sikkhāpadāni ca;
សត្ត កម្មបថា វុត្តា, ទសកម្មបថេន ច;
Satta kammapathā vuttā, dasakammapathena ca;
ឆដ្ឋំ អដ្ឋង្គិកោ វុត្តោ, ទសង្គេន ច សត្តមំ។
Chaṭṭhaṃ aṭṭhaṅgiko vutto, dasaṅgena ca sattamaṃ.
កម្មបថវគ្គោ តតិយោ។
Kammapathavaggo tatiyo.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ទសង្គសុត្តវណ្ណនា • 7. Dasaṅgasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៧. ទសង្គសុត្តវណ្ណនា • 7. Dasaṅgasuttavaṇṇanā
