| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๗. ทสงฺคสุตฺตํ
7. Dasaṅgasuttaṃ
๑๑๓. สาวตฺถิยํ วิหรติ…เป.… ‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ มิจฺฉาทิฎฺฐิกา มิจฺฉาทิฎฺฐิเกหิ สทฺธิํ สํสนฺทนฺติ สเมนฺติ; มิจฺฉาสงฺกปฺปา…เป.… มิจฺฉาวาจา… มิจฺฉากมฺมนฺตา… มิจฺฉาอาชีวา… มิจฺฉาวายามา… มิจฺฉาสติโน … มิจฺฉาสมาธิโน มิจฺฉาสมาธีหิ สทฺธิํ สํสนฺทนฺติ สเมนฺติ; มิจฺฉาญาณิโน มิจฺฉาญาณีหิ สทฺธิํ สํสนฺทนฺติ สเมนฺติ; มิจฺฉาวิมุตฺติโน มิจฺฉาวิมุตฺตีหิ สทฺธิํ สํสนฺทนฺติ สเมนฺติ’’ฯ
113. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti; micchāñāṇino micchāñāṇīhi saddhiṃ saṃsandanti samenti; micchāvimuttino micchāvimuttīhi saddhiṃ saṃsandanti samenti’’.
‘‘สมฺมาทิฎฺฐิกา สมฺมาทิฎฺฐิเกหิ สทฺธิํ สํสนฺทนฺติ สเมนฺติ; สมฺมาสงฺกปฺปา…เป.… สมฺมาวาจา… สมฺมากมฺมนฺตา… สมฺมาอาชีวา… สมฺมาวายามา… สมฺมาสติโน… สมฺมาสมาธิโน… สมฺมาญาณิโน สมฺมาญาณีหิ สทฺธิํ สํสนฺทนฺติ สเมนฺติ; สมฺมาวิมุตฺติโน สมฺมาวิมุตฺตีหิ สทฺธิํ สํสนฺทนฺติ สเมนฺตี’’ติฯ สตฺตมํฯ
‘‘Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino… sammāñāṇino sammāñāṇīhi saddhiṃ saṃsandanti samenti; sammāvimuttino sammāvimuttīhi saddhiṃ saṃsandanti samentī’’ti. Sattamaṃ.
สตฺตนฺนํ สุตฺตนฺตานํ อุทฺทานํ –
Sattannaṃ suttantānaṃ uddānaṃ –
อสมาหิตํ ทุสฺสีลํ, ปญฺจ สิกฺขาปทานิ จ;
Asamāhitaṃ dussīlaṃ, pañca sikkhāpadāni ca;
สตฺต กมฺมปถา วุตฺตา, ทสกมฺมปเถน จ;
Satta kammapathā vuttā, dasakammapathena ca;
ฉฎฺฐํ อฎฺฐงฺคิโก วุโตฺต, ทสเงฺคน จ สตฺตมํฯ
Chaṭṭhaṃ aṭṭhaṅgiko vutto, dasaṅgena ca sattamaṃ.
กมฺมปถวโคฺค ตติโยฯ
Kammapathavaggo tatiyo.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. ทสงฺคสุตฺตวณฺณนา • 7. Dasaṅgasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. ทสงฺคสุตฺตวณฺณนา • 7. Dasaṅgasuttavaṇṇanā
