| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. দসঙ্গসুত্তং
7. Dasaṅgasuttaṃ
১১৩. সাৰত্থিযং ৰিহরতি…পে॰… ‘‘ধাতুসোৰ, ভিক্খৰে, সত্তা সংসন্দন্তি সমেন্তি। মিচ্ছাদিট্ঠিকা মিচ্ছাদিট্ঠিকেহি সদ্ধিং সংসন্দন্তি সমেন্তি; মিচ্ছাসঙ্কপ্পা…পে॰… মিচ্ছাৰাচা… মিচ্ছাকম্মন্তা… মিচ্ছাআজীৰা… মিচ্ছাৰাযামা… মিচ্ছাসতিনো … মিচ্ছাসমাধিনো মিচ্ছাসমাধীহি সদ্ধিং সংসন্দন্তি সমেন্তি; মিচ্ছাঞাণিনো মিচ্ছাঞাণীহি সদ্ধিং সংসন্দন্তি সমেন্তি; মিচ্ছাৰিমুত্তিনো মিচ্ছাৰিমুত্তীহি সদ্ধিং সংসন্দন্তি সমেন্তি’’।
113. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti; micchāñāṇino micchāñāṇīhi saddhiṃ saṃsandanti samenti; micchāvimuttino micchāvimuttīhi saddhiṃ saṃsandanti samenti’’.
‘‘সম্মাদিট্ঠিকা সম্মাদিট্ঠিকেহি সদ্ধিং সংসন্দন্তি সমেন্তি; সম্মাসঙ্কপ্পা…পে॰… সম্মাৰাচা… সম্মাকম্মন্তা… সম্মাআজীৰা… সম্মাৰাযামা… সম্মাসতিনো… সম্মাসমাধিনো… সম্মাঞাণিনো সম্মাঞাণীহি সদ্ধিং সংসন্দন্তি সমেন্তি; সম্মাৰিমুত্তিনো সম্মাৰিমুত্তীহি সদ্ধিং সংসন্দন্তি সমেন্তী’’তি। সত্তমং।
‘‘Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino… sammāñāṇino sammāñāṇīhi saddhiṃ saṃsandanti samenti; sammāvimuttino sammāvimuttīhi saddhiṃ saṃsandanti samentī’’ti. Sattamaṃ.
সত্তন্নং সুত্তন্তানং উদ্দানং –
Sattannaṃ suttantānaṃ uddānaṃ –
অসমাহিতং দুস্সীলং, পঞ্চ সিক্খাপদানি চ।
Asamāhitaṃ dussīlaṃ, pañca sikkhāpadāni ca;
সত্ত কম্মপথা ৰুত্তা, দসকম্মপথেন চ।
Satta kammapathā vuttā, dasakammapathena ca;
ছট্ঠং অট্ঠঙ্গিকো ৰুত্তো, দসঙ্গেন চ সত্তমং॥
Chaṭṭhaṃ aṭṭhaṅgiko vutto, dasaṅgena ca sattamaṃ.
কম্মপথৰগ্গো ততিযো।
Kammapathavaggo tatiyo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. দসঙ্গসুত্তৰণ্ণনা • 7. Dasaṅgasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. দসঙ্গসুত্তৰণ্ণনা • 7. Dasaṅgasuttavaṇṇanā
