| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൧൦. ദസമസിക്ഖാപദവണ്ണനാ
10. Dasamasikkhāpadavaṇṇanā
൯൭൩. ദസമേ – ആഹുന്ദരികാതി സമ്ബാധാ.
973. Dasame – āhundarikāti sambādhā.
൯൭൫. ധുരം നിക്ഖിത്തമത്തേതി സചേപി ധുരം നിക്ഖിപിത്വാ പച്ഛാ പക്കമതി, ആപത്തിയേവാതി അത്ഥോ. പവാരേത്വാ പഞ്ച യോജനാനി ഗച്ഛന്തിയാപി അനാപത്തി. ഛസു വത്തബ്ബമേവ നത്ഥി. സചേ പന തീണി ഗന്ത്വാ തേനേവ മഗ്ഗേന പച്ചാഗച്ഛതി, ന വട്ടതി. അഞ്ഞേന മഗ്ഗേന ആഗന്തും വട്ടതി.
975.Dhuraṃ nikkhittamatteti sacepi dhuraṃ nikkhipitvā pacchā pakkamati, āpattiyevāti attho. Pavāretvā pañca yojanāni gacchantiyāpi anāpatti. Chasu vattabbameva natthi. Sace pana tīṇi gantvā teneva maggena paccāgacchati, na vaṭṭati. Aññena maggena āgantuṃ vaṭṭati.
൯൭൬. അന്തരായേതി ദസവിധേ അന്തരായേ – പരം ഗച്ഛിസ്സാമീതി നിക്ഖന്താ, നദീപൂരോ പന ആഗതോ, ചോരാ വാ മഗ്ഗേ ഹോന്തി, മേഘോ വാ ഉട്ഠാതി, നിവത്തിതും വട്ടതി. സേസം ഉത്താനമേവ. പഠമപാരാജികസമുട്ഠാനം – അകിരിയം, സഞ്ഞാവിമോക്ഖം, സചിത്തകം, ലോകവജ്ജം, കായകമ്മം, അകുസലചിത്തം, ദുക്ഖവേദനന്തി.
976.Antarāyeti dasavidhe antarāye – paraṃ gacchissāmīti nikkhantā, nadīpūro pana āgato, corā vā magge honti, megho vā uṭṭhāti, nivattituṃ vaṭṭati. Sesaṃ uttānameva. Paṭhamapārājikasamuṭṭhānaṃ – akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dukkhavedananti.
ദസമസിക്ഖാപദം.
Dasamasikkhāpadaṃ.
തുവട്ടവഗ്ഗോ ചതുത്ഥോ.
Tuvaṭṭavaggo catuttho.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൧൦. ദസമസിക്ഖാപദം • 10. Dasamasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൧൦. ദസമസിക്ഖാപദവണ്ണനാ • 10. Dasamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧൦. ദസമസിക്ഖാപദവണ്ണനാ • 10. Dasamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൦. ദസമസിക്ഖാപദം • 10. Dasamasikkhāpadaṃ
