| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၀. ဒသမသိက္ခာပဒံ
10. Dasamasikkhāpadaṃ
၁၀၆၂. ဒသမေ ဒ္ဝေ ကာယာ ဥပရိမကာယော ဟေဋ္ဌိမကာယောတိ။ တတ္ထ ကဋိတော ဥဒ္ဓံ ဥပရိမကာယော, ဟေဋ္ဌာ ဟေဋ္ဌိမကာယော။ တတ္ထ ‘‘ပသာခေ’’တိ ဣဒံ ဟေဋ္ဌိမကာယသ္သ နာမန္တိ အာဟ ‘‘အဓောကာယေ’’တိ။ ဟီတိ သစ္စံ။ တတောတိ အဓောကာယတော။ ဣမိနာ ပဉ္စမီဗာဟိရတ္ထသမာသံ ဒသ္သေတိ။ ရုက္ခသ္သ သာခာ ပဘိဇ္ဇိတ္ဝာ ဂတာ ဝိယ ဥဘော ဦရူ ပဘိဇ္ဇိတ္ဝာ ဂတာတိ ယောဇနာ။
1062. Dasame dve kāyā uparimakāyo heṭṭhimakāyoti. Tattha kaṭito uddhaṃ uparimakāyo, heṭṭhā heṭṭhimakāyo. Tattha ‘‘pasākhe’’ti idaṃ heṭṭhimakāyassa nāmanti āha ‘‘adhokāye’’ti. Hīti saccaṃ. Tatoti adhokāyato. Iminā pañcamībāhiratthasamāsaṃ dasseti. Rukkhassa sākhā pabhijjitvā gatā viya ubho ūrū pabhijjitvā gatāti yojanā.
၁၀၆၅. ဖာလေဟီတိ ဧတ္ထ ဣတိသဒ္ဒော အာဒ္ယတ္ထော။ တေန ‘‘ဓောဝာ’’တိအာဒီနိ စတ္တာရိ ပဒာနိ သင္ဂဏ္ဟာတိ။ အာဏတ္တိဒုက္ကဋာနီတိ ဟေဋ္ဌာ ဝုတ္တေသု အဋ္ဌသု ဒုက္ကဋေသု ဝိနယဒုက္ကဋမေဝ။ သေသေသူတိ ဘိန္ဒနတော သေသေသု ဖာလနာဒီသူတိ။ ဒသမံ။
1065.Phālehīti ettha itisaddo ādyattho. Tena ‘‘dhovā’’tiādīni cattāri padāni saṅgaṇhāti. Āṇattidukkaṭānīti heṭṭhā vuttesu aṭṭhasu dukkaṭesu vinayadukkaṭameva. Sesesūti bhindanato sesesu phālanādīsūti. Dasamaṃ.
အာရာမဝဂ္ဂော ဆဋ္ဌော။
Ārāmavaggo chaṭṭho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၁၀. ဒသမသိက္ခာပဒံ • 10. Dasamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၁၀. ဒသမသိက္ခာပဒဝဏ္ဏနာ • 10. Dasamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
