| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. த³ஸமஸிக்கா²பத³ங்
10. Dasamasikkhāpadaṃ
1062. த³ஸமே த்³வே காயா உபரிமகாயோ ஹெட்டி²மகாயோதி. தத்த² கடிதோ உத்³த⁴ங் உபரிமகாயோ, ஹெட்டா² ஹெட்டி²மகாயோ. தத்த² ‘‘பஸாகே²’’தி இத³ங் ஹெட்டி²மகாயஸ்ஸ நாமந்தி ஆஹ ‘‘அதோ⁴காயே’’தி. ஹீதி ஸச்சங். ததோதி அதோ⁴காயதோ. இமினா பஞ்சமீபா³ஹிரத்த²ஸமாஸங் த³ஸ்ஸேதி. ருக்க²ஸ்ஸ ஸாகா² பபி⁴ஜ்ஜித்வா க³தா விய உபோ⁴ ஊரூ பபி⁴ஜ்ஜித்வா க³தாதி யோஜனா.
1062. Dasame dve kāyā uparimakāyo heṭṭhimakāyoti. Tattha kaṭito uddhaṃ uparimakāyo, heṭṭhā heṭṭhimakāyo. Tattha ‘‘pasākhe’’ti idaṃ heṭṭhimakāyassa nāmanti āha ‘‘adhokāye’’ti. Hīti saccaṃ. Tatoti adhokāyato. Iminā pañcamībāhiratthasamāsaṃ dasseti. Rukkhassa sākhā pabhijjitvā gatā viya ubho ūrū pabhijjitvā gatāti yojanā.
1065. பா²லேஹீதி எத்த² இதிஸத்³தோ³ ஆத்³யத்தோ². தேன ‘‘தோ⁴வா’’திஆதீ³னி சத்தாரி பதா³னி ஸங்க³ண்ஹாதி. ஆணத்திது³க்கடானீதி ஹெட்டா² வுத்தேஸு அட்ட²ஸு து³க்கடேஸு வினயது³க்கடமேவ. ஸேஸேஸூதி பி⁴ந்த³னதோ ஸேஸேஸு பா²லனாதீ³ஸூதி. த³ஸமங்.
1065.Phālehīti ettha itisaddo ādyattho. Tena ‘‘dhovā’’tiādīni cattāri padāni saṅgaṇhāti. Āṇattidukkaṭānīti heṭṭhā vuttesu aṭṭhasu dukkaṭesu vinayadukkaṭameva. Sesesūti bhindanato sesesu phālanādīsūti. Dasamaṃ.
ஆராமவக்³கோ³ ச²ட்டோ².
Ārāmavaggo chaṭṭho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 10. த³ஸமஸிக்கா²பத³ங் • 10. Dasamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 10. த³ஸமஸிக்கா²பத³வண்ணனா • 10. Dasamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
