| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೧೦. ದಸಮನಯೋ ವಿಪ್ಪಯುತ್ತೇನವಿಪ್ಪಯುತ್ತಪದವಣ್ಣನಾ
10. Dasamanayo vippayuttenavippayuttapadavaṇṇanā
೩೫೩. ಯೇ ವಿಪ್ಪಯುತ್ತೇನ ವಿಪ್ಪಯುತ್ತಭಾವೇನ ಪಾಳಿಯಂ ಅಗ್ಗಹಿತಾ, ತೇಸು ಕೇಚಿ ವಿಪ್ಪಯುತ್ತಸ್ಸ ಧಮ್ಮನ್ತರಸ್ಸ ಅಭಾವತೋ ಕೇಚಿ ಖನ್ಧಾದೀಹಿ ವಿಪ್ಪಯೋಗಸ್ಸೇವ ಅಸಮ್ಭವತೋತಿ ಇಮಮತ್ಥಂ ದಸ್ಸೇನ್ತೋ ‘‘ಧಮ್ಮಾಯತನಾದಿಧಮ್ಮಾ’’ತಿಆದಿಮಾಹ। ತತ್ಥ ಸಬ್ಬಚಿತ್ತುಪ್ಪಾದಗತಧಮ್ಮಭಾವತೋತಿ ಇಮಿನಾ ಭಿನ್ನಕಾಲತಾದಿವಿಸೇಸವತೋ ಅರೂಪಕ್ಖನ್ಧಸ್ಸ ವಿಪ್ಪಯುತ್ತಸ್ಸ ಧಮ್ಮನ್ತರಸ್ಸ ಅಭಾವಮಾಹ, ಅನಾರಮ್ಮಣಮಿಸ್ಸಕಭಾವತೋತಿ ಇಮಿನಾ ಪನ ಸಬ್ಬಸ್ಸಪಿ। ಕಾಮಭವೋ ಉಪಪತ್ತಿಭವೋ ಸಞ್ಞೀಭವೋ ಪಞ್ಚವೋಕಾರಭವೋತಿ ಇಮೇ ಚತ್ತಾರೋ ಮಹಾಭವಾ। ವಿಪ್ಪಯೋಗಾಭಾವತೋತಿ ವಿಪ್ಪಯೋಗಾಸಮ್ಭವತೋ। ನ ಹಿ ಯೇ ದುಕ್ಖಸಚ್ಚಾದೀಹಿ ವಿಪ್ಪಯುತ್ತಾ, ತೇಹಿ ವಿಪ್ಪಯುತ್ತಾನಂ ತೇಸಂಯೇವ ದುಕ್ಖಸಚ್ಚಾದೀನಂ ಖನ್ಧಾದೀಸು ಕೇನಚಿ ವಿಪ್ಪಯೋಗೋ ಸಮ್ಭವತಿ।
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
ದಸಮನಯವಿಪ್ಪಯುತ್ತೇನವಿಪ್ಪಯುತ್ತಪದವಣ್ಣನಾ ನಿಟ್ಠಿತಾ।
Dasamanayavippayuttenavippayuttapadavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಾತುಕಥಾಪಾಳಿ • Dhātukathāpāḷi / ೧೦. ವಿಪ್ಪಯುತ್ತೇನವಿಪ್ಪಯುತ್ತಪದನಿದ್ದೇಸೋ • 10. Vippayuttenavippayuttapadaniddeso
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ದಸಮನಯೋ ವಿಪ್ಪಯುತ್ತೇನವಿಪ್ಪಯುತ್ತಪದವಣ್ಣನಾ • 10. Dasamanayo vippayuttenavippayuttapadavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ದಸಮನಯೋ ವಿಪ್ಪಯುತ್ತೇನವಿಪ್ಪಯುತ್ತಪದವಣ್ಣನಾ • 10. Dasamanayo vippayuttenavippayuttapadavaṇṇanā
