| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૧૦. દસમનયો વિપ્પયુત્તેનવિપ્પયુત્તપદવણ્ણના
10. Dasamanayo vippayuttenavippayuttapadavaṇṇanā
૩૫૩. યે વિપ્પયુત્તેન વિપ્પયુત્તભાવેન પાળિયં અગ્ગહિતા, તેસુ કેચિ વિપ્પયુત્તસ્સ ધમ્મન્તરસ્સ અભાવતો કેચિ ખન્ધાદીહિ વિપ્પયોગસ્સેવ અસમ્ભવતોતિ ઇમમત્થં દસ્સેન્તો ‘‘ધમ્માયતનાદિધમ્મા’’તિઆદિમાહ. તત્થ સબ્બચિત્તુપ્પાદગતધમ્મભાવતોતિ ઇમિના ભિન્નકાલતાદિવિસેસવતો અરૂપક્ખન્ધસ્સ વિપ્પયુત્તસ્સ ધમ્મન્તરસ્સ અભાવમાહ, અનારમ્મણમિસ્સકભાવતોતિ ઇમિના પન સબ્બસ્સપિ. કામભવો ઉપપત્તિભવો સઞ્ઞીભવો પઞ્ચવોકારભવોતિ ઇમે ચત્તારો મહાભવા. વિપ્પયોગાભાવતોતિ વિપ્પયોગાસમ્ભવતો. ન હિ યે દુક્ખસચ્ચાદીહિ વિપ્પયુત્તા, તેહિ વિપ્પયુત્તાનં તેસંયેવ દુક્ખસચ્ચાદીનં ખન્ધાદીસુ કેનચિ વિપ્પયોગો સમ્ભવતિ.
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
દસમનયવિપ્પયુત્તેનવિપ્પયુત્તપદવણ્ણના નિટ્ઠિતા.
Dasamanayavippayuttenavippayuttapadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધાતુકથાપાળિ • Dhātukathāpāḷi / ૧૦. વિપ્પયુત્તેનવિપ્પયુત્તપદનિદ્દેસો • 10. Vippayuttenavippayuttapadaniddeso
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. દસમનયો વિપ્પયુત્તેનવિપ્પયુત્તપદવણ્ણના • 10. Dasamanayo vippayuttenavippayuttapadavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૦. દસમનયો વિપ્પયુત્તેનવિપ્પયુત્તપદવણ્ણના • 10. Dasamanayo vippayuttenavippayuttapadavaṇṇanā
