| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
१०. दसमनयो विप्पयुत्तेनविप्पयुत्तपदवण्णना
10. Dasamanayo vippayuttenavippayuttapadavaṇṇanā
३५३. ये विप्पयुत्तेन विप्पयुत्तभावेन पाळियं अग्गहिता, तेसु केचि विप्पयुत्तस्स धम्मन्तरस्स अभावतो केचि खन्धादीहि विप्पयोगस्सेव असम्भवतोति इममत्थं दस्सेन्तो ‘‘धम्मायतनादिधम्मा’’तिआदिमाह। तत्थ सब्बचित्तुप्पादगतधम्मभावतोति इमिना भिन्नकालतादिविसेसवतो अरूपक्खन्धस्स विप्पयुत्तस्स धम्मन्तरस्स अभावमाह, अनारम्मणमिस्सकभावतोति इमिना पन सब्बस्सपि। कामभवो उपपत्तिभवो सञ्ञीभवो पञ्चवोकारभवोति इमे चत्तारो महाभवा। विप्पयोगाभावतोति विप्पयोगासम्भवतो। न हि ये दुक्खसच्चादीहि विप्पयुत्ता, तेहि विप्पयुत्तानं तेसंयेव दुक्खसच्चादीनं खन्धादीसु केनचि विप्पयोगो सम्भवति।
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
दसमनयविप्पयुत्तेनविप्पयुत्तपदवण्णना निट्ठिता।
Dasamanayavippayuttenavippayuttapadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / धातुकथापाळि • Dhātukathāpāḷi / १०. विप्पयुत्तेनविप्पयुत्तपदनिद्देसो • 10. Vippayuttenavippayuttapadaniddeso
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / १०. दसमनयो विप्पयुत्तेनविप्पयुत्तपदवण्णना • 10. Dasamanayo vippayuttenavippayuttapadavaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / १०. दसमनयो विप्पयुत्तेनविप्पयुत्तपदवण्णना • 10. Dasamanayo vippayuttenavippayuttapadavaṇṇanā
