| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
১০. দসমনযো ৰিপ্পযুত্তেনৰিপ্পযুত্তপদৰণ্ণনা
10. Dasamanayo vippayuttenavippayuttapadavaṇṇanā
৩৫৩. যে ৰিপ্পযুত্তেন ৰিপ্পযুত্তভাৰেন পাল়িযং অগ্গহিতা, তেসু কেচি ৰিপ্পযুত্তস্স ধম্মন্তরস্স অভাৰতো কেচি খন্ধাদীহি ৰিপ্পযোগস্সেৰ অসম্ভৰতোতি ইমমত্থং দস্সেন্তো ‘‘ধম্মাযতনাদিধম্মা’’তিআদিমাহ। তত্থ সব্বচিত্তুপ্পাদগতধম্মভাৰতোতি ইমিনা ভিন্নকালতাদিৰিসেসৰতো অরূপক্খন্ধস্স ৰিপ্পযুত্তস্স ধম্মন্তরস্স অভাৰমাহ, অনারম্মণমিস্সকভাৰতোতি ইমিনা পন সব্বস্সপি। কামভৰো উপপত্তিভৰো সঞ্ঞীভৰো পঞ্চৰোকারভৰোতি ইমে চত্তারো মহাভৰা। ৰিপ্পযোগাভাৰতোতি ৰিপ্পযোগাসম্ভৰতো। ন হি যে দুক্খসচ্চাদীহি ৰিপ্পযুত্তা, তেহি ৰিপ্পযুত্তানং তেসংযেৰ দুক্খসচ্চাদীনং খন্ধাদীসু কেনচি ৰিপ্পযোগো সম্ভৰতি।
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
দসমনযৰিপ্পযুত্তেনৰিপ্পযুত্তপদৰণ্ণনা নিট্ঠিতা।
Dasamanayavippayuttenavippayuttapadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ১০. ৰিপ্পযুত্তেনৰিপ্পযুত্তপদনিদ্দেসো • 10. Vippayuttenavippayuttapadaniddeso
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. দসমনযো ৰিপ্পযুত্তেনৰিপ্পযুত্তপদৰণ্ণনা • 10. Dasamanayo vippayuttenavippayuttapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১০. দসমনযো ৰিপ্পযুত্তেনৰিপ্পযুত্তপদৰণ্ণনা • 10. Dasamanayo vippayuttenavippayuttapadavaṇṇanā
