| Library / Tipiṭaka / တိပိဋက • Tipiṭaka / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā |
ဒသမစိတ္တံ
Dasamacittaṃ
၄၂၁. ဒသမံ သသင္ခာရတ္တာ ပရေဟိ ဥသ္သာဟိတသ္သ ဝာ, ပရေသံ ဝာ အပရာဓံ သာရိတသ္သ, သယမေဝ ဝာ ပရေသံ အပရာဓံ အနုသ္သရိတ္ဝာ ကုဇ္ဈမာနသ္သ ဥပ္ပဇ္ဇတိ။
421. Dasamaṃ sasaṅkhārattā parehi ussāhitassa vā, paresaṃ vā aparādhaṃ sāritassa, sayameva vā paresaṃ aparādhaṃ anussaritvā kujjhamānassa uppajjati.
ဣဓာပိ ပဒပဋိပာဋိယာ ဧကူနတိံသ, အဂ္ဂဟိတဂ္ဂဟဏေန စ စုဒ္ဒသေဝ ပဒာနိ ဟောန္တိ။ ယေဝာပနကေသု ပန ထိနမိဒ္ဓမ္ပိ လဗ္ဘတိ။ တသ္မာ ဧတ္ထ ဝိနာ ဣသ္သာမစ္ဆရိယကုက္ကုစ္စေဟိ စတ္တာရိ အပဏ္ဏကင္ဂာနိ ထိနမိဒ္ဓန္တိ ဣမေ ဆ ဣသ္သာဒီနံ ဥပ္ပတ္တိကာလေ တေသု အညတရေန သဒ္ဓိံ သတ္တ ယေဝာပနကာ ဧကက္ခဏေ ဥပ္ပဇ္ဇန္တိ။ သေသံ သဗ္ဗံ သဗ္ဗဝာရေသု နဝမသဒိသမေဝ။ ဣမေသု ပန ဒ္ဝီသု ဒောမနသ္သစိတ္တေသု သဟဇာတာဓိပတိယေဝ လဗ္ဘတိ, န အာရမ္မဏာဓိပတိ။ န ဟိ ကုဒ္ဓော ကိဉ္စိ ဂရုံ ကရောတီတိ။
Idhāpi padapaṭipāṭiyā ekūnatiṃsa, aggahitaggahaṇena ca cuddaseva padāni honti. Yevāpanakesu pana thinamiddhampi labbhati. Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti. Sesaṃ sabbaṃ sabbavāresu navamasadisameva. Imesu pana dvīsu domanassacittesu sahajātādhipatiyeva labbhati, na ārammaṇādhipati. Na hi kuddho kiñci garuṃ karotīti.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / ဒ္ဝာဒသ အကုသလာနိ • Dvādasa akusalāni
