| Library / Tipiṭaka / তিপিটক • Tipiṭaka / ধম্মসঙ্গণি-অট্ঠকথা • Dhammasaṅgaṇi-aṭṭhakathā |
দসমচিত্তং
Dasamacittaṃ
৪২১. দসমং সসঙ্খারত্তা পরেহি উস্সাহিতস্স ৰা, পরেসং ৰা অপরাধং সারিতস্স, সযমেৰ ৰা পরেসং অপরাধং অনুস্সরিত্ৰা কুজ্ঝমানস্স উপ্পজ্জতি।
421. Dasamaṃ sasaṅkhārattā parehi ussāhitassa vā, paresaṃ vā aparādhaṃ sāritassa, sayameva vā paresaṃ aparādhaṃ anussaritvā kujjhamānassa uppajjati.
ইধাপি পদপটিপাটিযা একূনতিংস, অগ্গহিতগ্গহণেন চ চুদ্দসেৰ পদানি হোন্তি। যেৰাপনকেসু পন থিনমিদ্ধম্পি লব্ভতি। তস্মা এত্থ ৰিনা ইস্সামচ্ছরিযকুক্কুচ্চেহি চত্তারি অপণ্ণকঙ্গানি থিনমিদ্ধন্তি ইমে ছ ইস্সাদীনং উপ্পত্তিকালে তেসু অঞ্ঞতরেন সদ্ধিং সত্ত যেৰাপনকা একক্খণে উপ্পজ্জন্তি। সেসং সব্বং সব্বৰারেসু নৰমসদিসমেৰ। ইমেসু পন দ্ৰীসু দোমনস্সচিত্তেসু সহজাতাধিপতিযেৰ লব্ভতি, ন আরম্মণাধিপতি। ন হি কুদ্ধো কিঞ্চি গরুং করোতীতি।
Idhāpi padapaṭipāṭiyā ekūnatiṃsa, aggahitaggahaṇena ca cuddaseva padāni honti. Yevāpanakesu pana thinamiddhampi labbhati. Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti. Sesaṃ sabbaṃ sabbavāresu navamasadisameva. Imesu pana dvīsu domanassacittesu sahajātādhipatiyeva labbhati, na ārammaṇādhipati. Na hi kuddho kiñci garuṃ karotīti.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / দ্ৰাদস অকুসলানি • Dvādasa akusalāni
