| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༡. དཱརུཀྑནྡྷསུཏྟཝཎྞནཱ
11. Dārukkhandhasuttavaṇṇanā
༤༡. ཨེཀཱདསམེ ཙེཏོཝསིཔྤཏྟོཏི ཙིཏྟཝསིབྷཱཝཾ པཏྟོ། པཐཝཱིཏྭེཝ ཨདྷིམུཙྩེཡྻཱཏི ཐདྡྷཱཀཱརཾ པཐཝཱིདྷཱཏཱུཏི སལླཀྑེཡྻ། ཡཾ ནིསྶཱཡཱཏི ཡཾ ཝིཛྫམཱནཾ ཐདྡྷཱཀཱརཾ པཐཝཱིདྷཱཏུཾ ནིསྶཱཡ ཨམུཾ དཱརུཀྑནྡྷཾ པཐཝཱིཏྭེཝ ཨདྷིམུཙྩེཡྻ, སཱ ཨེཏྠ པཐཝཱིདྷཱཏུ ཨཏྠཱིཏི། ཨིམིནཱ ནཡེན སེསཔདཱནིཔི ཝེདིཏབྦཱནི། ཡཐེཝ ཧི ཏསྨིཾ ཐདྡྷཱཀཱརཱ པཐཝཱིདྷཱཏུ ཨཏྠི, ཨེཝཾ ཡཱུསཱཀཱརཱ ཨཱཔོདྷཱཏུ, ཨུཎྷཱཀཱརཱ ཏེཛོདྷཱཏུ, ཝིཏྠམྦྷནཱཀཱརཱ ཝཱཡོདྷཱཏུ, རཏྟཝཎྞམྷི སཱརེ པདུམཔུཔྥཝཎྞཱ སུབྷདྷཱཏུ, པཱུཏིབྷཱུཏེ ཙུཎྞེ ཙེཝ ཕེགྒུཔཔཊིཀཱསུ ཙ ཨམནུཉྙཝཎྞཱ ཨསུབྷདྷཱཏུ, ཏཾ ནིསྶཱཡ ཨམུཾ དཱརུཀྑནྡྷཾ ཨསུབྷནྟྭེཝ ཨདྷིམུཙྩེཡྻ སལླཀྑེཡྻཱཏི། ཨིམསྨིཾ སུཏྟེ མིསྶཀཝིཧཱརོ ནཱམ ཀཐིཏོ།
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༡. དཱརུཀྑནྡྷསུཏྟཾ • 11. Dārukkhandhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨-༡༡. ཨཏྟཀཱརཱིསུཏྟཱདིཝཎྞནཱ • 8-11. Attakārīsuttādivaṇṇanā
