| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੧. ਦਾਰੁਕ੍ਖਨ੍ਧਸੁਤ੍ਤਂ
11. Dārukkhandhasuttaṃ
੪੧. ਏવਂ ਮੇ ਸੁਤਂ – ਏਕਂ ਸਮਯਂ ਆਯਸ੍ਮਾ ਸਾਰਿਪੁਤ੍ਤੋ ਰਾਜਗਹੇ વਿਹਰਤਿ ਗਿਜ੍ਝਕੂਟੇ ਪਬ੍ਬਤੇ। ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸ ਅਞ੍ਞਤਰਸ੍ਮਿਂ ਪਦੇਸੇ ਮਹਨ੍ਤਂ ਦਾਰੁਕ੍ਖਨ੍ਧਂ। ਦਿਸ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਪਸ੍ਸਥ ਨੋ, ਆવੁਸੋ, ਤੁਮ੍ਹੇ ਅਮੁਂ ਮਹਨ੍ਤਂ ਦਾਰੁਕ੍ਖਨ੍ਧ’’ਨ੍ਤਿ? ‘‘ਏવਮਾવੁਸੋ’’ਤਿ।
41. Evaṃ me sutaṃ – ekaṃ samayaṃ āyasmā sāriputto rājagahe viharati gijjhakūṭe pabbate. Atha kho āyasmā sāriputto pubbaṇhasamayaṃ nivāsetvā pattacīvaramādāya sambahulehi bhikkhūhi saddhiṃ gijjhakūṭā pabbatā orohanto addasa aññatarasmiṃ padese mahantaṃ dārukkhandhaṃ. Disvā bhikkhū āmantesi – ‘‘passatha no, āvuso, tumhe amuṃ mahantaṃ dārukkhandha’’nti? ‘‘Evamāvuso’’ti.
‘‘ਆਕਙ੍ਖਮਾਨੋ, ਆવੁਸੋ, ਭਿਕ੍ਖੁ ਇਦ੍ਧਿਮਾ ਚੇਤੋવਸਿਪ੍ਪਤ੍ਤੋ ਅਮੁਂ ਦਾਰੁਕ੍ਖਨ੍ਧਂ ਪਥવੀਤ੍વੇવ ਅਧਿਮੁਚ੍ਚੇਯ੍ਯ। ਤਂ ਕਿਸ੍ਸ ਹੇਤੁ? ਅਤ੍ਥਿ, ਆવੁਸੋ , ਅਮੁਮ੍ਹਿ ਦਾਰੁਕ੍ਖਨ੍ਧੇ ਪਥવੀਧਾਤੁ, ਯਂ ਨਿਸ੍ਸਾਯ ਭਿਕ੍ਖੁ ਇਦ੍ਧਿਮਾ ਚੇਤੋવਸਿਪ੍ਪਤ੍ਤੋ ਅਮੁਂ ਦਾਰੁਕ੍ਖਨ੍ਧਂ ਪਥવੀਤ੍વੇવ ਅਧਿਮੁਚ੍ਚੇਯ੍ਯ। ਆਕਙ੍ਖਮਾਨੋ, ਆવੁਸੋ, ਭਿਕ੍ਖੁ ਇਦ੍ਧਿਮਾ ਚੇਤੋવਸਿਪ੍ਪਤ੍ਤੋ ਅਮੁਂ ਦਾਰੁਕ੍ਖਨ੍ਧਂ ਆਪੋਤ੍વੇવ ਅਧਿਮੁਚ੍ਚੇਯ੍ਯ …ਪੇ॰… ਤੇਜੋਤ੍વੇવ ਅਧਿਮੁਚ੍ਚੇਯ੍ਯ… વਾਯੋਤ੍વੇવ ਅਧਿਮੁਚ੍ਚੇਯ੍ਯ… ਸੁਭਨ੍ਤ੍વੇવ ਅਧਿਮੁਚ੍ਚੇਯ੍ਯ… ਅਸੁਭਨ੍ਤ੍વੇવ ਅਧਿਮੁਚ੍ਚੇਯ੍ਯ। ਤਂ ਕਿਸ੍ਸ ਹੇਤੁ? ਅਤ੍ਥਿ, ਆવੁਸੋ, ਅਮੁਮ੍ਹਿ ਦਾਰੁਕ੍ਖਨ੍ਧੇ ਅਸੁਭਧਾਤੁ, ਯਂ ਨਿਸ੍ਸਾਯ ਭਿਕ੍ਖੁ ਇਦ੍ਧਿਮਾ ਚੇਤੋવਸਿਪ੍ਪਤ੍ਤੋ ਅਮੁਂ ਦਾਰੁਕ੍ਖਨ੍ਧਂ ਅਸੁਭਨ੍ਤ੍વੇવ ਅਧਿਮੁਚ੍ਚੇਯ੍ਯਾ’’ਤਿ। ਏਕਾਦਸਮਂ।
‘‘Ākaṅkhamāno, āvuso, bhikkhu iddhimā cetovasippatto amuṃ dārukkhandhaṃ pathavītveva adhimucceyya. Taṃ kissa hetu? Atthi, āvuso , amumhi dārukkhandhe pathavīdhātu, yaṃ nissāya bhikkhu iddhimā cetovasippatto amuṃ dārukkhandhaṃ pathavītveva adhimucceyya. Ākaṅkhamāno, āvuso, bhikkhu iddhimā cetovasippatto amuṃ dārukkhandhaṃ āpotveva adhimucceyya …pe… tejotveva adhimucceyya… vāyotveva adhimucceyya… subhantveva adhimucceyya… asubhantveva adhimucceyya. Taṃ kissa hetu? Atthi, āvuso, amumhi dārukkhandhe asubhadhātu, yaṃ nissāya bhikkhu iddhimā cetovasippatto amuṃ dārukkhandhaṃ asubhantveva adhimucceyyā’’ti. Ekādasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੧. ਦਾਰੁਕ੍ਖਨ੍ਧਸੁਤ੍ਤવਣ੍ਣਨਾ • 11. Dārukkhandhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੧੧. ਅਤ੍ਤਕਾਰੀਸੁਤ੍ਤਾਦਿવਣ੍ਣਨਾ • 8-11. Attakārīsuttādivaṇṇanā
