| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૭૮. દરીમુખજાતકં (૬-૧-૩)
378. Darīmukhajātakaṃ (6-1-3)
૧૪.
14.
પઙ્કો ચ કામા પલિપો ચ કામા, ભયઞ્ચ મેતં તિમૂલં પવુત્તં;
Paṅko ca kāmā palipo ca kāmā, bhayañca metaṃ timūlaṃ pavuttaṃ;
રજો ચ ધૂમો ચ મયા પકાસિતા, હિત્વા તુવં પબ્બજ બ્રહ્મદત્ત.
Rajo ca dhūmo ca mayā pakāsitā, hitvā tuvaṃ pabbaja brahmadatta.
૧૫.
15.
ગધિતો 1 ચ રત્તો ચ અધિમુચ્છિતો ચ, કામેસ્વહં બ્રાહ્મણ ભિંસરૂપં;
Gadhito 2 ca ratto ca adhimucchito ca, kāmesvahaṃ brāhmaṇa bhiṃsarūpaṃ;
તં નુસ્સહે જીવિકત્થો પહાતું, કાહામિ પુઞ્ઞાનિ અનપ્પકાનિ.
Taṃ nussahe jīvikattho pahātuṃ, kāhāmi puññāni anappakāni.
૧૬.
16.
યો અત્થકામસ્સ હિતાનુકમ્પિનો, ઓવજ્જમાનો ન કરોતિ સાસનં;
Yo atthakāmassa hitānukampino, ovajjamāno na karoti sāsanaṃ;
ઇદમેવ સેય્યો ઇતિ મઞ્ઞમાનો, પુનપ્પુનં ગબ્ભમુપેતિ મન્દો.
Idameva seyyo iti maññamāno, punappunaṃ gabbhamupeti mando.
૧૭.
17.
સો ઘોરરૂપં નિરયં ઉપેતિ, સુભાસુભં મુત્તકરીસપૂરં;
So ghorarūpaṃ nirayaṃ upeti, subhāsubhaṃ muttakarīsapūraṃ;
સત્તા સકાયે ન જહન્તિ ગિદ્ધા, યે હોન્તિ કામેસુ અવીતરાગા.
Sattā sakāye na jahanti giddhā, ye honti kāmesu avītarāgā.
૧૮.
18.
મીળ્હેન લિત્તા રુહિરેન મક્ખિતા, સેમ્હેન લિત્તા ઉપનિક્ખમન્તિ;
Mīḷhena littā ruhirena makkhitā, semhena littā upanikkhamanti;
યં યઞ્હિ કાયેન ફુસન્તિ તાવદે, સબ્બં અસાતં દુખમેવ કેવલં.
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
૧૯.
19.
દિસ્વા વદામિ ન હિ અઞ્ઞતો સવં, પુબ્બેનિવાસં બહુકં સરામિ;
Disvā vadāmi na hi aññato savaṃ, pubbenivāsaṃ bahukaṃ sarāmi;
ચિત્રાહિ ગાથાહિ સુભાસિતાહિ, દરીમુખો નિજ્ઝાપયિ સુમેધન્તિ.
Citrāhi gāthāhi subhāsitāhi, darīmukho nijjhāpayi sumedhanti.
દરીમુખજાતકં તતિયં.
Darīmukhajātakaṃ tatiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૭૮] ૩. દરીમુખજાતકવણ્ણના • [378] 3. Darīmukhajātakavaṇṇanā
