| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
378. த³ரீமுக²ஜாதகங் (6-1-3)
378. Darīmukhajātakaṃ (6-1-3)
14.
14.
பங்கோ ச காமா பலிபோ ச காமா, ப⁴யஞ்ச மேதங் திமூலங் பவுத்தங்;
Paṅko ca kāmā palipo ca kāmā, bhayañca metaṃ timūlaṃ pavuttaṃ;
ரஜோ ச தூ⁴மோ ச மயா பகாஸிதா, ஹித்வா துவங் பப்³ப³ஜ ப்³ரஹ்மத³த்த.
Rajo ca dhūmo ca mayā pakāsitā, hitvā tuvaṃ pabbaja brahmadatta.
15.
15.
க³தி⁴தோ 1 ச ரத்தோ ச அதி⁴முச்சி²தோ ச, காமெஸ்வஹங் ப்³ராஹ்மண பி⁴ங்ஸரூபங்;
Gadhito 2 ca ratto ca adhimucchito ca, kāmesvahaṃ brāhmaṇa bhiṃsarūpaṃ;
தங் நுஸ்ஸஹே ஜீவிகத்தோ² பஹாதுங், காஹாமி புஞ்ஞானி அனப்பகானி.
Taṃ nussahe jīvikattho pahātuṃ, kāhāmi puññāni anappakāni.
16.
16.
யோ அத்த²காமஸ்ஸ ஹிதானுகம்பினோ, ஓவஜ்ஜமானோ ந கரோதி ஸாஸனங்;
Yo atthakāmassa hitānukampino, ovajjamāno na karoti sāsanaṃ;
இத³மேவ ஸெய்யோ இதி மஞ்ஞமானோ, புனப்புனங் க³ப்³ப⁴முபேதி மந்தோ³.
Idameva seyyo iti maññamāno, punappunaṃ gabbhamupeti mando.
17.
17.
ஸோ கோ⁴ரரூபங் நிரயங் உபேதி, ஸுபா⁴ஸுப⁴ங் முத்தகரீஸபூரங்;
So ghorarūpaṃ nirayaṃ upeti, subhāsubhaṃ muttakarīsapūraṃ;
ஸத்தா ஸகாயே ந ஜஹந்தி கி³த்³தா⁴, யே ஹொந்தி காமேஸு அவீதராகா³.
Sattā sakāye na jahanti giddhā, ye honti kāmesu avītarāgā.
18.
18.
மீள்ஹேன லித்தா ருஹிரேன மக்கி²தா, ஸெம்ஹேன லித்தா உபனிக்க²மந்தி;
Mīḷhena littā ruhirena makkhitā, semhena littā upanikkhamanti;
யங் யஞ்ஹி காயேன பு²ஸந்தி தாவதே³, ஸப்³ப³ங் அஸாதங் து³க²மேவ கேவலங்.
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
19.
19.
தி³ஸ்வா வதா³மி ந ஹி அஞ்ஞதோ ஸவங், புப்³பே³னிவாஸங் ப³ஹுகங் ஸராமி;
Disvā vadāmi na hi aññato savaṃ, pubbenivāsaṃ bahukaṃ sarāmi;
சித்ராஹி கா³தா²ஹி ஸுபா⁴ஸிதாஹி, த³ரீமுகோ² நிஜ்ஜா²பயி ஸுமேத⁴ந்தி.
Citrāhi gāthāhi subhāsitāhi, darīmukho nijjhāpayi sumedhanti.
த³ரீமுக²ஜாதகங் ததியங்.
Darīmukhajātakaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [378] 3. த³ரீமுக²ஜாதகவண்ணனா • [378] 3. Darīmukhajātakavaṇṇanā
