| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. д̣̇аануубабад̇д̇исуд̇д̇аван̣н̣анаа
5. Dānūpapattisuttavaṇṇanā
35. бан̃жамз д̣̇аанабажжаяаад̇и д̣̇аанагааран̣аа, д̣̇аанамаяабун̃н̃асса гад̇ад̇д̇аа убажид̇ад̇д̇аад̇и ад̇т̇о. убабад̇д̇ияод̇и мануссзсу д̣̇звзсу жа ниб̣б̣ад̇д̇ияо. табзд̇ийд̇и згаваарамзва ануббаж̇ж̇ид̇ваа яат̇аа убари д̇знзваагаарзна бавад̇д̇ад̇и, звам̣ табзд̇и. д̇ад̣̇зва жасса ад̇хидтаананд̇и ааха ‘‘д̇ассзва взважана’’нд̇и. вад̣дхзд̇ийд̇и б̣руухзд̇и на хаабзд̇и. вимуд̇д̇анд̇и ад̇химуд̇д̇ам̣, ниннам̣ бон̣ам̣ баб̣бхааранд̇и ад̇т̇о. вимуд̇д̇анд̇и ваа виссадтам̣. ниббарияааяад̇о уд̇д̇ари наама бан̣ийд̇ам̣ маж̇жхзби хийнамаж̇жхимавибхааг̇асса лаб̣бханад̇од̇и вуд̇д̇ам̣ ‘‘уд̇д̇ари абхаавид̇анд̇и д̇ад̇о убаримаг̇г̇апалад̇т̇ааяа абхаавид̇а’’нд̇и. сам̣вад̇д̇ад̇и д̇ат̇аабан̣ихид̇ам̣ д̣̇аанамаяам̣ жид̇д̇ам̣. яам̣ бана баал̣ияам̣ ‘‘д̇ан̃жа ко’’д̇иаад̣̇и вуд̇д̇ам̣, д̇ам̣ д̇ад̇рубабад̇д̇ияаа виб̣анд̇хагарад̣̇уссийляаабхаавад̣̇ассанабарам̣ д̣̇адтаб̣б̣ам̣, на д̣̇аанамаяасса бун̃н̃асса гзваласса д̇ам̣сам̣вад̇д̇анад̇аад̣̇ассанабаранд̇и д̣̇адтаб̣б̣ам̣. самужчиннарааг̇ассаад̇и самужчиннагаамарааг̇асса. д̇асса хи сияаа б̣рахмалогз убабад̇д̇и, на самужчиннабхаварааг̇асса. вийд̇арааг̇аг̇г̇ахан̣зна жзд̇т̇а гаамзсу вийд̇арааг̇ад̇аа ад̇хиббзд̇аа, яааяа б̣рахмалогуубабад̇д̇и сияаа. д̇знааха ‘‘д̣̇аанамад̇д̇знзваа’’д̇иаад̣̇и. яад̣̇и звам̣ д̣̇аанам̣ д̇ад̇т̇а гимад̇т̇ияанд̇и ааха ‘‘д̣̇аанам̣ банаа’’д̇иаад̣̇и. д̣̇аанзна муд̣̇ужид̇д̇од̇и б̣ад̣̇д̇хаагхаад̇з взрибуг̇г̇алзби ад̇д̇ано д̣̇аанасамбадижчанзна муд̣̇убхууд̇ажид̇д̇о.
35. Pañcame dānapaccayāti dānakāraṇā, dānamayapuññassa katattā upacitattāti attho. Upapattiyoti manussesu devesu ca nibbattiyo. Ṭhapetīti ekavārameva anuppajjitvā yathā upari tenevākārena pavattati, evaṃ ṭhapeti. Tadeva cassa adhiṭṭhānanti āha ‘‘tasseva vevacana’’nti. Vaḍḍhetīti brūheti na hāpeti. Vimuttanti adhimuttaṃ, ninnaṃ poṇaṃ pabbhāranti attho. Vimuttanti vā vissaṭṭhaṃ. Nippariyāyato uttari nāma paṇītaṃ majjhepi hīnamajjhimavibhāgassa labbhanatoti vuttaṃ ‘‘uttari abhāvitanti tato uparimaggaphalatthāya abhāvita’’nti. Saṃvattati tathāpaṇihitaṃ dānamayaṃ cittaṃ. Yaṃ pana pāḷiyaṃ ‘‘tañca kho’’tiādi vuttaṃ, taṃ tatrupapattiyā vibandhakaradussīlyābhāvadassanaparaṃ daṭṭhabbaṃ, na dānamayassa puññassa kevalassa taṃsaṃvattanatādassanaparanti daṭṭhabbaṃ. Samucchinnarāgassāti samucchinnakāmarāgassa. Tassa hi siyā brahmaloke upapatti, na samucchinnabhavarāgassa. Vītarāgaggahaṇena cettha kāmesu vītarāgatā adhippetā, yāya brahmalokūpapatti siyā. Tenāha ‘‘dānamattenevā’’tiādi. Yadi evaṃ dānaṃ tattha kimatthiyanti āha ‘‘dānaṃ panā’’tiādi. Dānena muducittoti baddhāghāte veripuggalepi attano dānasampaṭicchanena mudubhūtacitto.
д̣̇аануубабад̇д̇исуд̇д̇аван̣н̣анаа нидтид̇аа.
Dānūpapattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. д̣̇аануубабад̇д̇исуд̇д̇ам̣ • 5. Dānūpapattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. д̣̇аануубабад̇д̇исуд̇д̇аван̣н̣анаа • 5. Dānūpapattisuttavaṇṇanā
