| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. དནྟཀཊྛསུཏྟཾ
8. Dantakaṭṭhasuttaṃ
༢༠༨. ‘‘པཉྩིམེ, བྷིཀྑཝེ, ཨཱདཱིནཝཱ དནྟཀཊྛསྶ ཨཁཱདནེ། ཀཏམེ པཉྩ? ཨཙཀྑུསྶཾ, མུཁཾ དུགྒནྡྷཾ ཧོཏི, རསཧརཎིཡོ ན ཝིསུཛ྄ཛྷནྟི, པིཏྟཾ སེམྷཾ བྷཏྟཾ པརིཡོནནྡྷཏི 1, བྷཏྟམསྶ ནཙྪཱདེཏི། ཨིམེ ཁོ, བྷིཀྑཝེ, པཉྩ ཨཱདཱིནཝཱ དནྟཀཊྛསྶ ཨཁཱདནེ།
208. ‘‘Pañcime, bhikkhave, ādīnavā dantakaṭṭhassa akhādane. Katame pañca? Acakkhussaṃ, mukhaṃ duggandhaṃ hoti, rasaharaṇiyo na visujjhanti, pittaṃ semhaṃ bhattaṃ pariyonandhati 2, bhattamassa nacchādeti. Ime kho, bhikkhave, pañca ādīnavā dantakaṭṭhassa akhādane.
‘‘པཉྩིམེ, བྷིཀྑཝེ, ཨཱནིསཾསཱ དནྟཀཊྛསྶ ཁཱདནེ། ཀཏམེ པཉྩ? ཙཀྑུསྶཾ, མུཁཾ ན དུགྒནྡྷཾ ཧོཏི, རསཧརཎིཡོ ཝིསུཛ྄ཛྷནྟི, པིཏྟཾ སེམྷཾ བྷཏྟཾ ན པརིཡོནནྡྷཏི, བྷཏྟམསྶ ཚཱདེཏི། ཨིམེ ཁོ, བྷིཀྑཝེ, པཉྩ ཨཱནིསཾསཱ དནྟཀཊྛསྶ ཁཱདནེ’’ཏི། ཨཊྛམཾ།
‘‘Pañcime, bhikkhave, ānisaṃsā dantakaṭṭhassa khādane. Katame pañca? Cakkhussaṃ, mukhaṃ na duggandhaṃ hoti, rasaharaṇiyo visujjhanti, pittaṃ semhaṃ bhattaṃ na pariyonandhati, bhattamassa chādeti. Ime kho, bhikkhave, pañca ānisaṃsā dantakaṭṭhassa khādane’’ti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༨. ཡཱགུསུཏྟཱདིཝཎྞནཱ • 7-8. Yāgusuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦-༨. ཝིནིབནྡྷསུཏྟཱདིཝཎྞནཱ • 6-8. Vinibandhasuttādivaṇṇanā
