| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၈. ဒန္တကဋ္ဌသုတ္တံ
8. Dantakaṭṭhasuttaṃ
၂၀၈. ‘‘ပဉ္စိမေ, ဘိက္ခဝေ, အာဒီနဝာ ဒန္တကဋ္ဌသ္သ အခာဒနေ။ ကတမေ ပဉ္စ? အစက္ခုသ္သံ, မုခံ ဒုဂ္ဂန္ဓံ ဟောတိ, ရသဟရဏိယော န ဝိသုဇ္ဈန္တိ, ပိတ္တံ သေမ္ဟံ ဘတ္တံ ပရိယောနန္ဓတိ 1, ဘတ္တမသ္သ နစ္ဆာဒေတိ။ ဣမေ ခော, ဘိက္ခဝေ, ပဉ္စ အာဒီနဝာ ဒန္တကဋ္ဌသ္သ အခာဒနေ။
208. ‘‘Pañcime, bhikkhave, ādīnavā dantakaṭṭhassa akhādane. Katame pañca? Acakkhussaṃ, mukhaṃ duggandhaṃ hoti, rasaharaṇiyo na visujjhanti, pittaṃ semhaṃ bhattaṃ pariyonandhati 2, bhattamassa nacchādeti. Ime kho, bhikkhave, pañca ādīnavā dantakaṭṭhassa akhādane.
‘‘ပဉ္စိမေ, ဘိက္ခဝေ, အာနိသံသာ ဒန္တကဋ္ဌသ္သ ခာဒနေ။ ကတမေ ပဉ္စ? စက္ခုသ္သံ, မုခံ န ဒုဂ္ဂန္ဓံ ဟောတိ, ရသဟရဏိယော ဝိသုဇ္ဈန္တိ, ပိတ္တံ သေမ္ဟံ ဘတ္တံ န ပရိယောနန္ဓတိ, ဘတ္တမသ္သ ဆာဒေတိ။ ဣမေ ခော, ဘိက္ခဝေ, ပဉ္စ အာနိသံသာ ဒန္တကဋ္ဌသ္သ ခာဒနေ’’တိ။ အဋ္ဌမံ။
‘‘Pañcime, bhikkhave, ānisaṃsā dantakaṭṭhassa khādane. Katame pañca? Cakkhussaṃ, mukhaṃ na duggandhaṃ hoti, rasaharaṇiyo visujjhanti, pittaṃ semhaṃ bhattaṃ na pariyonandhati, bhattamassa chādeti. Ime kho, bhikkhave, pañca ānisaṃsā dantakaṭṭhassa khādane’’ti. Aṭṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇-၈. ယာဂုသုတ္တာဒိဝဏ္ဏနာ • 7-8. Yāgusuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၈. ဝိနိဗန္ဓသုတ္တာဒိဝဏ္ဏနာ • 6-8. Vinibandhasuttādivaṇṇanā
