| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ဒာနဝတ္ထုသုတ္တံ
3. Dānavatthusuttaṃ
၃၃. ‘‘အဋ္ဌိမာနိ , ဘိက္ခဝေ, ဒာနဝတ္ထူနိ။ ကတမာနိ အဋ္ဌ? ဆန္ဒာ ဒာနံ ဒေတိ, ဒောသာ ဒာနံ ဒေတိ, မောဟာ ဒာနံ ဒေတိ, ဘယာ ဒာနံ ဒေတိ, ‘ဒိန္နပုဗ္ဗံ ကတပုဗ္ဗံ ပိတုပိတာမဟေဟိ, နာရဟာမိ ပောရာဏံ ကုလဝံသံ ဟာပေတု’န္တိ ဒာနံ ဒေတိ, ‘ဣမာဟံ ဒာနံ ဒတ္ဝာ ကာယသ္သ ဘေဒာ ပရံ မရဏာ သုဂတိံ သဂ္ဂံ လောကံ ဥပပဇ္ဇိသ္သာမီ’တိ ဒာနံ ဒေတိ, ‘ဣမံ မေ ဒာနံ ဒဒတော စိတ္တံ ပသီဒတိ, အတ္တမနတာ သောမနသ္သံ ဥပဇာယတီ’တိ ဒာနံ ဒေတိ, စိတ္တာလင္ကာရစိတ္တပရိက္ခာရတ္ထံ ဒာနံ ဒေတိ။ ဣမာနိ ခော, ဘိက္ခဝေ, အဋ္ဌ ဒာနဝတ္ထူနီ’’တိ။ တတိယံ။
33. ‘‘Aṭṭhimāni , bhikkhave, dānavatthūni. Katamāni aṭṭha? Chandā dānaṃ deti, dosā dānaṃ deti, mohā dānaṃ deti, bhayā dānaṃ deti, ‘dinnapubbaṃ katapubbaṃ pitupitāmahehi, nārahāmi porāṇaṃ kulavaṃsaṃ hāpetu’nti dānaṃ deti, ‘imāhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapajjissāmī’ti dānaṃ deti, ‘imaṃ me dānaṃ dadato cittaṃ pasīdati, attamanatā somanassaṃ upajāyatī’ti dānaṃ deti, cittālaṅkāracittaparikkhāratthaṃ dānaṃ deti. Imāni kho, bhikkhave, aṭṭha dānavatthūnī’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ဒာနဝတ္ထုသုတ္တဝဏ္ဏနာ • 3. Dānavatthusuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ပဌမဒာနသုတ္တာဒိဝဏ္ဏနာ • 1-4. Paṭhamadānasuttādivaṇṇanā
