| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. দানৰত্থুসুত্তং
3. Dānavatthusuttaṃ
৩৩. ‘‘অট্ঠিমানি , ভিক্খৰে, দানৰত্থূনি। কতমানি অট্ঠ? ছন্দা দানং দেতি, দোসা দানং দেতি, মোহা দানং দেতি, ভযা দানং দেতি, ‘দিন্নপুব্বং কতপুব্বং পিতুপিতামহেহি, নারহামি পোরাণং কুলৰংসং হাপেতু’ন্তি দানং দেতি, ‘ইমাহং দানং দত্ৰা কাযস্স ভেদা পরং মরণা সুগতিং সগ্গং লোকং উপপজ্জিস্সামী’তি দানং দেতি, ‘ইমং মে দানং দদতো চিত্তং পসীদতি, অত্তমনতা সোমনস্সং উপজাযতী’তি দানং দেতি, চিত্তালঙ্কারচিত্তপরিক্খারত্থং দানং দেতি। ইমানি খো, ভিক্খৰে, অট্ঠ দানৰত্থূনী’’তি। ততিযং।
33. ‘‘Aṭṭhimāni , bhikkhave, dānavatthūni. Katamāni aṭṭha? Chandā dānaṃ deti, dosā dānaṃ deti, mohā dānaṃ deti, bhayā dānaṃ deti, ‘dinnapubbaṃ katapubbaṃ pitupitāmahehi, nārahāmi porāṇaṃ kulavaṃsaṃ hāpetu’nti dānaṃ deti, ‘imāhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapajjissāmī’ti dānaṃ deti, ‘imaṃ me dānaṃ dadato cittaṃ pasīdati, attamanatā somanassaṃ upajāyatī’ti dānaṃ deti, cittālaṅkāracittaparikkhāratthaṃ dānaṃ deti. Imāni kho, bhikkhave, aṭṭha dānavatthūnī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. দানৰত্থুসুত্তৰণ্ণনা • 3. Dānavatthusuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪. পঠমদানসুত্তাদিৰণ্ণনা • 1-4. Paṭhamadānasuttādivaṇṇanā
