| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
5. දාමලිසුත්තං
5. Dāmalisuttaṃ
86. සාවත්ථිනිදානං. අථ ඛො දාමලි දෙවපුත්තො අභික්කන්තාය රත්තියා අභික්කන්තවණ්ණො කෙවලකප්පං ජෙතවනං ඔභාසෙත්වා යෙන භගවා තෙනුපසඞ්කමි; උපසඞ්කමිත්වා භගවන්තං අභිවාදෙත්වා එකමන්තං අට්ඨාසි. එකමන්තං ඨිතො ඛො දාමලි දෙවපුත්තො භගවතො සන්තිකෙ ඉමං ගාථං අභාසි –
86. Sāvatthinidānaṃ. Atha kho dāmali devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dāmali devaputto bhagavato santike imaṃ gāthaṃ abhāsi –
‘‘කරණීයමෙතං බ්රාහ්මණෙන, පධානං අකිලාසුනා;
‘‘Karaṇīyametaṃ brāhmaṇena, padhānaṃ akilāsunā;
කාමානං විප්පහානෙන, න තෙනාසීසතෙ භව’’න්ති.
Kāmānaṃ vippahānena, na tenāsīsate bhava’’nti.
‘‘නත්ථි කිච්චං බ්රාහ්මණස්ස (දාමලීති භගවා),
‘‘Natthi kiccaṃ brāhmaṇassa (dāmalīti bhagavā),
කතකිච්චො හි බ්රාහ්මණො.
Katakicco hi brāhmaṇo.
‘‘යාව න ගාධං ලභති නදීසු,
‘‘Yāva na gādhaṃ labhati nadīsu,
ආයූහති සබ්බගත්තෙභි ජන්තු;
Āyūhati sabbagattebhi jantu;
ගාධඤ්ච ලද්ධාන ථලෙ ඨිතො යො,
Gādhañca laddhāna thale ṭhito yo,
‘‘එසූපමා දාමලි බ්රාහ්මණස්ස,
‘‘Esūpamā dāmali brāhmaṇassa,
ඛීණාසවස්ස නිපකස්ස ඣායිනො;
Khīṇāsavassa nipakassa jhāyino;
පප්පුය්ය ජාතිමරණස්ස අන්තං,
Pappuyya jātimaraṇassa antaṃ,
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 5. දාමලිසුත්තවණ්ණනා • 5. Dāmalisuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 5. දාමලිසුත්තවණ්ණනා • 5. Dāmalisuttavaṇṇanā
