| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๕. ทามลิสุตฺตํ
5. Dāmalisuttaṃ
๘๖. สาวตฺถินิทานํฯ อถ โข ทามลิ เทวปุโตฺต อภิกฺกนฺตาย รตฺติยา อภิกฺกนฺตวโณฺณ เกวลกปฺปํ เชตวนํ โอภาเสตฺวา เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ อฎฺฐาสิฯ เอกมนฺตํ ฐิโต โข ทามลิ เทวปุโตฺต ภควโต สนฺติเก อิมํ คาถํ อภาสิ –
86. Sāvatthinidānaṃ. Atha kho dāmali devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dāmali devaputto bhagavato santike imaṃ gāthaṃ abhāsi –
‘‘กรณียเมตํ พฺราหฺมเณน, ปธานํ อกิลาสุนา;
‘‘Karaṇīyametaṃ brāhmaṇena, padhānaṃ akilāsunā;
กามานํ วิปฺปหาเนน, น เตนาสีสเต ภว’’นฺติฯ
Kāmānaṃ vippahānena, na tenāsīsate bhava’’nti.
‘‘นตฺถิ กิจฺจํ พฺราหฺมณสฺส (ทามลีติ ภควา),
‘‘Natthi kiccaṃ brāhmaṇassa (dāmalīti bhagavā),
กตกิโจฺจ หิ พฺราหฺมโณฯ
Katakicco hi brāhmaṇo.
‘‘ยาว น คาธํ ลภติ นทีสุ,
‘‘Yāva na gādhaṃ labhati nadīsu,
อายูหติ สพฺพคเตฺตภิ ชนฺตุ;
Āyūhati sabbagattebhi jantu;
คาธญฺจ ลทฺธาน ถเล ฐิโต โย,
Gādhañca laddhāna thale ṭhito yo,
‘‘เอสูปมา ทามลิ พฺราหฺมณสฺส,
‘‘Esūpamā dāmali brāhmaṇassa,
ขีณาสวสฺส นิปกสฺส ฌายิโน;
Khīṇāsavassa nipakassa jhāyino;
ปปฺปุยฺย ชาติมรณสฺส อนฺตํ,
Pappuyya jātimaraṇassa antaṃ,
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. ทามลิสุตฺตวณฺณนา • 5. Dāmalisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. ทามลิสุตฺตวณฺณนา • 5. Dāmalisuttavaṇṇanā
