| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༡༡. དཀྑིཎཱཝིསུདྡྷིཀཐཱཝཎྞནཱ
11. Dakkhiṇāvisuddhikathāvaṇṇanā
༨༠༠-༨༠༡. དཀྑིཎཱཝིསུདྡྷིཀཐཱཡཾ ཝིསུཛ྄ཛྷེཡྻཱཏི ཨེཏསྶ ཨཏྠཾ དསྶེནྟོ ‘‘མཧཔྥལཱ བྷཝེཡྻཱ’’ཏི ཨཱཧ། དཱཡཀསྶེཝ ཙིཏྟཝིསུདྡྷི ཝིཔཱཀདཱཡིཀཱ ཧོཏཱིཏི པཊིགྒཱཧཀནིརཔེཀྑཱ པཊིགྒཱཧཀེན པཙྩཡབྷཱུཏེན ཝིནཱ དཱཡཀེནེཝ མཧཱཝིཔཱཀཙེཏནཏྟཾ ཨཱཔཱདིཀཱ, པཊིགྒཱཧཀནིརཔེཀྑཱ ཝིཔཱཀདཱཡིཀཱ ཧོཏཱིཏི ཨདྷིཔྤཱཡོ། ཨཉྙོ ཨཉྙསྶ ཀཱརཀོཏི ཡདི དཱཡཀསྶ དཱནཙེཏནཱ ནཱམ པཊིགྒཱཧཀེན ཀཏཱ བྷཝེཡྻ, ཡུཏྟརཱུཔཾ སིཡཱཏི ཀསྨཱ ཝུཏྟཾ, ནནུ ལདྡྷིཀིཏྟནེ ‘‘དཱཡཀེན དཱནཾ དིནྣཾ, པཊིགྒཱཧཀེན ཝིཔཱཀོ ནིབྦཏྟིཏོཏི ཨཉྙོ ཨཉྙསྶ ཀཱརཀོ བྷཝེཡྻཱ’’ཏི ཝུཏྟནྟི? སཙྩམེཏཾ, པཊིགྒཱཧཀེན ཝིཔཱཀནིབྦཏྟནམྤི པན དཱནཙེཏནཱནིབྦཏྟནེན ཡདི བྷཝེཡྻ, ཨེཝཾ སཏི ཨཉྙོ ཨཉྙསྶ ཀཱརཀོཏི ཡུཏྟརཱུཔཾ སིཡཱཏི ཨདྷིཔྤཱཡོ།
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
དཀྑིཎཱཝིསུདྡྷིཀཐཱཝཎྞནཱ ནིཊྛིཏཱ།
Dakkhiṇāvisuddhikathāvaṇṇanā niṭṭhitā.
སཏྟརསམཝགྒཝཎྞནཱ ནིཊྛིཏཱ།
Sattarasamavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༧༦) ༡༡. དཀྑིཎཱཝིསུདྡྷིཀཐཱ • (176) 11. Dakkhiṇāvisuddhikathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༡. དཀྑིཎཱཝིསུདྡྷིཀཐཱཝཎྞནཱ • 11. Dakkhiṇāvisuddhikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. དཀྑིཎཱཝིསུདྡྷིཀཐཱཝཎྞནཱ • 11. Dakkhiṇāvisuddhikathāvaṇṇanā
