| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૧૧. દક્ખિણાવિસુદ્ધિકથાવણ્ણના
11. Dakkhiṇāvisuddhikathāvaṇṇanā
૮૦૦-૮૦૧. દક્ખિણાવિસુદ્ધિકથાયં વિસુજ્ઝેય્યાતિ એતસ્સ અત્થં દસ્સેન્તો ‘‘મહપ્ફલા ભવેય્યા’’તિ આહ. દાયકસ્સેવ ચિત્તવિસુદ્ધિ વિપાકદાયિકા હોતીતિ પટિગ્ગાહકનિરપેક્ખા પટિગ્ગાહકેન પચ્ચયભૂતેન વિના દાયકેનેવ મહાવિપાકચેતનત્તં આપાદિકા, પટિગ્ગાહકનિરપેક્ખા વિપાકદાયિકા હોતીતિ અધિપ્પાયો. અઞ્ઞો અઞ્ઞસ્સ કારકોતિ યદિ દાયકસ્સ દાનચેતના નામ પટિગ્ગાહકેન કતા ભવેય્ય, યુત્તરૂપં સિયાતિ કસ્મા વુત્તં, નનુ લદ્ધિકિત્તને ‘‘દાયકેન દાનં દિન્નં, પટિગ્ગાહકેન વિપાકો નિબ્બત્તિતોતિ અઞ્ઞો અઞ્ઞસ્સ કારકો ભવેય્યા’’તિ વુત્તન્તિ? સચ્ચમેતં, પટિગ્ગાહકેન વિપાકનિબ્બત્તનમ્પિ પન દાનચેતનાનિબ્બત્તનેન યદિ ભવેય્ય, એવં સતિ અઞ્ઞો અઞ્ઞસ્સ કારકોતિ યુત્તરૂપં સિયાતિ અધિપ્પાયો.
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
દક્ખિણાવિસુદ્ધિકથાવણ્ણના નિટ્ઠિતા.
Dakkhiṇāvisuddhikathāvaṇṇanā niṭṭhitā.
સત્તરસમવગ્ગવણ્ણના નિટ્ઠિતા.
Sattarasamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૭૬) ૧૧. દક્ખિણાવિસુદ્ધિકથા • (176) 11. Dakkhiṇāvisuddhikathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૧. દક્ખિણાવિસુદ્ધિકથાવણ્ણના • 11. Dakkhiṇāvisuddhikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૧. દક્ખિણાવિસુદ્ધિકથાવણ્ણના • 11. Dakkhiṇāvisuddhikathāvaṇṇanā
