| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. စုန္ဒသုတ္တဝဏ္ဏနာ
10. Cundasuttavaṇṇanā
၁၇၆. ဒသမေ ကမ္မာရပုတ္တသ္သာတိ သုဝဏ္ဏကာရပုတ္တသ္သ။ ကသ္သ နော တ္ဝန္တိ ကသ္သ နု တ္ဝံ။ ပစ္ဆာဘူမကာတိ ပစ္ဆာဘူမိဝာသိကာ။ ကမဏ္ဍလုကာတိ ကမဏ္ဍလုဓာရိနော။ သေဝာလမာလိကာတိ သေဝာလမာလာ ဝိယ ဓာရေန္တိ။ သေဝာလပဋနိဝာသိတာတိပိ ဝုတ္တမေဝ။ ဥဒကောရောဟကာတိ သာယတတိယကံ ဥဒကောရောဟနာနုယောဂမနုယုတ္တာ။ အာမသေယ္ယာသီတိ ဟတ္ထေန ပရိမဇ္ဇေယ္ယာသိ။
176. Dasame kammāraputtassāti suvaṇṇakāraputtassa. Kassa no tvanti kassa nu tvaṃ. Pacchābhūmakāti pacchābhūmivāsikā. Kamaṇḍalukāti kamaṇḍaludhārino. Sevālamālikāti sevālamālā viya dhārenti. Sevālapaṭanivāsitātipi vuttameva. Udakorohakāti sāyatatiyakaṃ udakorohanānuyogamanuyuttā. Āmaseyyāsīti hatthena parimajjeyyāsi.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. စုန္ဒသုတ္တံ • 10. Cundasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄၄. ဗ္ရာဟ္မဏပစ္စောရောဟဏီသုတ္တာဒိဝဏ္ဏနာ • 1-44. Brāhmaṇapaccorohaṇīsuttādivaṇṇanā
