| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
5. சுந்த³ஸுத்தங்
5. Cundasuttaṃ
83.
83.
‘‘புச்சா²மி முனிங் பஹூதபஞ்ஞங், (இதி சுந்தோ³ கம்மாரபுத்தோ)
‘‘Pucchāmi muniṃ pahūtapaññaṃ, (iti cundo kammāraputto)
பு³த்³த⁴ங் த⁴ம்மஸ்ஸாமிங் வீததண்ஹங்;
Buddhaṃ dhammassāmiṃ vītataṇhaṃ;
த்³விபது³த்தமங் 1 ஸாரதீ²னங் பவரங், கதி லோகே ஸமணா ததி³ங்க⁴ ப்³ரூஹி’’.
Dvipaduttamaṃ 2 sārathīnaṃ pavaraṃ, kati loke samaṇā tadiṅgha brūhi’’.
84.
84.
‘‘சதுரோ ஸமணா ந பஞ்சமத்தி², (சுந்தா³தி ப⁴க³வா)
‘‘Caturo samaṇā na pañcamatthi, (cundāti bhagavā)
தே தே ஆவிகரோமி ஸக்கி²புட்டோ²;
Te te āvikaromi sakkhipuṭṭho;
மக்³க³ஜினோ மக்³க³தே³ஸகோ ச, மக்³கே³ ஜீவதி யோ ச மக்³க³தூ³ஸீ’’.
Maggajino maggadesako ca, magge jīvati yo ca maggadūsī’’.
85.
85.
‘‘கங் மக்³க³ஜினங் வத³ந்தி பு³த்³தா⁴, (இதி சுந்தோ³ கம்மாரபுத்தோ)
‘‘Kaṃ maggajinaṃ vadanti buddhā, (iti cundo kammāraputto)
மக்³க³க்கா²யீ கத²ங் அதுல்யோ ஹோதி;
Maggakkhāyī kathaṃ atulyo hoti;
மக்³கே³ ஜீவதி மே ப்³ரூஹி புட்டோ², அத² மே ஆவிகரோஹி மக்³க³தூ³ஸிங்’’ 3.
Magge jīvati me brūhi puṭṭho, atha me āvikarohi maggadūsiṃ’’ 4.
86.
86.
‘‘யோ திண்ணகத²ங்கதோ² விஸல்லோ, நிப்³பா³னாபி⁴ரதோ அனானுகி³த்³தோ⁴;
‘‘Yo tiṇṇakathaṃkatho visallo, nibbānābhirato anānugiddho;
லோகஸ்ஸ ஸதே³வகஸ்ஸ நேதா, தாதி³ங் மக்³க³ஜினங் வத³ந்தி பு³த்³தா⁴.
Lokassa sadevakassa netā, tādiṃ maggajinaṃ vadanti buddhā.
87.
87.
‘‘பரமங் பரமந்தி யோத⁴ ஞத்வா, அக்கா²தி விப⁴ஜதே இதே⁴வ த⁴ம்மங்;
‘‘Paramaṃ paramanti yodha ñatvā, akkhāti vibhajate idheva dhammaṃ;
தங் கங்க²சி²த³ங் முனிங் அனேஜங், து³தியங் பி⁴க்கு²னமாஹு மக்³க³தே³ஸிங்.
Taṃ kaṅkhachidaṃ muniṃ anejaṃ, dutiyaṃ bhikkhunamāhu maggadesiṃ.
88.
88.
‘‘யோ த⁴ம்மபதே³ ஸுதே³ஸிதே, மக்³கே³ ஜீவதி ஸஞ்ஞதோ ஸதீமா;
‘‘Yo dhammapade sudesite, magge jīvati saññato satīmā;
அனவஜ்ஜபதா³னி ஸேவமானோ, ததியங் பி⁴க்கு²னமாஹு மக்³க³ஜீவிங்.
Anavajjapadāni sevamāno, tatiyaṃ bhikkhunamāhu maggajīviṃ.
89.
89.
‘‘ச²த³னங் கத்வான ஸுப்³ப³தானங், பக்க²ந்தீ³ குலதூ³ஸகோ பக³ப்³போ⁴;
‘‘Chadanaṃ katvāna subbatānaṃ, pakkhandī kuladūsako pagabbho;
மாயாவீ அஸஞ்ஞதோ பலாபோ, பதிரூபேன சரங் ஸ மக்³க³தூ³ஸீ.
Māyāvī asaññato palāpo, patirūpena caraṃ sa maggadūsī.
90.
90.
‘‘ஏதே ச படிவிஜ்ஜி² யோ க³ஹட்டோ², ஸுதவா அரியஸாவகோ ஸபஞ்ஞோ;
‘‘Ete ca paṭivijjhi yo gahaṭṭho, sutavā ariyasāvako sapañño;
ஸப்³பே³ நேதாதி³ஸாதி 5 ஞத்வா, இதி தி³ஸ்வா ந ஹாபேதி தஸ்ஸ ஸத்³தா⁴;
Sabbe netādisāti 6 ñatvā, iti disvā na hāpeti tassa saddhā;
கத²ங் ஹி து³ட்டே²ன அஸம்பது³ட்ட²ங், ஸுத்³த⁴ங் அஸுத்³தே⁴ன ஸமங் கரெய்யா’’தி.
Kathaṃ hi duṭṭhena asampaduṭṭhaṃ, suddhaṃ asuddhena samaṃ kareyyā’’ti.
சுந்த³ஸுத்தங் பஞ்சமங் நிட்டி²தங்.
Cundasuttaṃ pañcamaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 5. சுந்த³ஸுத்தவண்ணனா • 5. Cundasuttavaṇṇanā
