| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਚੂਲ਼ਸੁਗਨ੍ਧਤ੍ਥੇਰਅਪਦਾਨવਣ੍ਣਨਾ
10. Cūḷasugandhattheraapadānavaṇṇanā
ਦਸਮਾਪਦਾਨੇ ਇਮਮ੍ਹਿ ਭਦ੍ਦਕੇ ਕਪ੍ਪੇਤਿਆਦਿਕਂ ਆਯਸ੍ਮਤੋ ਸੁਗਨ੍ਧਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਕਸ੍ਸਪਸਮ੍ਮਾਸਮ੍ਬੁਦ੍ਧਕਾਲੇ ਬਾਰਾਣਸਿਯਂ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥੁ ਸਨ੍ਤਿਕੇ ਧਮ੍ਮਂ ਸੁਤ੍વਾ ਸਬ੍ਬਦਾ ਨਮਸ੍ਸਮਾਨੋ ਮਹਾਦਾਨਂ ਦਦਮਾਨੋ ਮਾਸਸ੍ਸ ਸਤ੍ਤਕ੍ਖਤ੍ਤੁਂ ਭਗવਤੋ ਗਨ੍ਧਕੁਟਿਯਾ ਚਤੁਜ੍ਜਾਤਿਗਨ੍ਧੇਨ વਿਲਿਮ੍ਪੇਸਿ। ‘‘ਮਮ ਨਿਬ੍ਬਤ੍ਤਨਿਬ੍ਬਤ੍ਤਟ੍ਠਾਨੇ ਸਰੀਰਤੋ ਸੁਗਨ੍ਧਗਨ੍ਧੋ ਨਿਬ੍ਬਤ੍ਤਤੂ’’ਤਿ ਪਤ੍ਥਨਂ ਅਕਾਸਿ। ਭਗવਾ ਤਂ ਬ੍ਯਾਕਾਸਿ। ਸੋ ਯਾવਤਾਯੁਕਂ ਠਤ੍વਾ ਪੁਞ੍ਞਾਨਿ ਕਰੋਨ੍ਤੋ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਕਾਮਾવਚਰਲੋਕਂ ਸਰੀਰਗਨ੍ਧੇਨ ਸੁਗਨ੍ਧਂ ਕੁਰੁਮਾਨੋ ਸੁਗਨ੍ਧਦੇવਪੁਤ੍ਤੋਤਿ ਪਾਕਟੋ ਅਹੋਸਿ। ਸੋ ਦੇવਲੋਕਸਮ੍ਪਤ੍ਤਿਯੋ ਅਨੁਭવਿਤ੍વਾ ਤਤੋ ਚੁਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਮਹਾਭੋਗਕੁਲੇ ਨਿਬ੍ਬਤ੍ਤਿ, ਤਸ੍ਸ ਮਾਤੁਕੁਚ੍ਛਿਗਤਸ੍ਸੇવ ਮਾਤੁਯਾ ਸਰੀਰਗਨ੍ਧੇਨ ਸਕਲਗੇਹਂ ਸਕਲਨਗਰਞ੍ਚ ਸੁਗਨ੍ਧੇਨ ਏਕਗਨ੍ਧਂ ਅਹੋਸਿ, ਜਾਤਕ੍ਖਣੇ ਸਕਲਂ ਸਾવਤ੍ਥਿਨਗਰਂ ਸੁਗਨ੍ਧਕਰਣ੍ਡਕੋ વਿਯ ਅਹੋਸਿ, ਤੇਨਸ੍ਸ ਸੁਗਨ੍ਧੋਤਿ ਨਾਮਂ ਕਰਿਂਸੁ। ਸੋ વੁਦ੍ਧਿਂ ਅਗਮਾਸਿ। ਤਦਾ ਸਤ੍ਥਾ ਸਾવਤ੍ਥਿਯਂ ਪਤ੍વਾ ਜੇਤવਨਮਹਾવਿਹਾਰਂ ਪਟਿਗ੍ਗਹੇਸਿ, ਤਂ ਦਿਸ੍વਾ ਪਸਨ੍ਨਮਾਨਸੋ ਭਗવਤੋ ਸਨ੍ਤਿਕੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਸਹ ਪਟਿਸਮ੍ਭਿਦਾਹਿ ਅਰਹਤ੍ਤਂ ਪਾਪੁਣਿ। ਤਸ੍ਸ ਉਪ੍ਪਨ੍ਨਦਿવਸਤੋ ਪਟ੍ਠਾਯ ਯਾવ ਪਰਿਨਿਬ੍ਬਾਨਾ ਏਤ੍ਥਨ੍ਤਰੇ ਨਿਪਨ੍ਨਟ੍ਠਾਨਾਦੀਸੁ ਸੁਗਨ੍ਧਮੇવ વਾਯਿ। ਦੇવਾਪਿ ਦਿਬ੍ਬਚੁਣ੍ਣਦਿਬ੍ਬਗਨ੍ਧਪੁਪ੍ਫਾਨਿ ਓਕਿਰਨ੍ਤਿ।
Dasamāpadāne imamhi bhaddake kappetiādikaṃ āyasmato sugandhattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapasammāsambuddhakāle bārāṇasiyaṃ vibhavasampanne kule nibbatto viññutaṃ patvā satthu santike dhammaṃ sutvā sabbadā namassamāno mahādānaṃ dadamāno māsassa sattakkhattuṃ bhagavato gandhakuṭiyā catujjātigandhena vilimpesi. ‘‘Mama nibbattanibbattaṭṭhāne sarīrato sugandhagandho nibbattatū’’ti patthanaṃ akāsi. Bhagavā taṃ byākāsi. So yāvatāyukaṃ ṭhatvā puññāni karonto tato cuto devaloke nibbatto kāmāvacaralokaṃ sarīragandhena sugandhaṃ kurumāno sugandhadevaputtoti pākaṭo ahosi. So devalokasampattiyo anubhavitvā tato cuto imasmiṃ buddhuppāde mahābhogakule nibbatti, tassa mātukucchigatasseva mātuyā sarīragandhena sakalagehaṃ sakalanagarañca sugandhena ekagandhaṃ ahosi, jātakkhaṇe sakalaṃ sāvatthinagaraṃ sugandhakaraṇḍako viya ahosi, tenassa sugandhoti nāmaṃ kariṃsu. So vuddhiṃ agamāsi. Tadā satthā sāvatthiyaṃ patvā jetavanamahāvihāraṃ paṭiggahesi, taṃ disvā pasannamānaso bhagavato santike pabbajitvā nacirasseva saha paṭisambhidāhi arahattaṃ pāpuṇi. Tassa uppannadivasato paṭṭhāya yāva parinibbānā etthantare nipannaṭṭhānādīsu sugandhameva vāyi. Devāpi dibbacuṇṇadibbagandhapupphāni okiranti.
੨੭੨. ਸੋਪਿ ਥੇਰੋ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਇਮਮ੍ਹਿ ਭਦ੍ਦਕੇ ਕਪ੍ਪੇਤਿਆਦਿਮਾਹ। ਤਂ ਸਬ੍ਬਂ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਤ੍ਤਾ ਚ ਸੁવਿਞ੍ਞੇਯ੍ਯਮੇવ, ਕੇવਲਂ ਪੁਞ੍ਞਨਾਨਤ੍ਤਂ ਨਾਮਨਾਨਤ੍ਤਞ੍ਚ વਿਸੇਸੋ।
272. Sopi thero arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento imamhi bhaddake kappetiādimāha. Taṃ sabbaṃ heṭṭhā vuttanayattā uttānatthattā ca suviññeyyameva, kevalaṃ puññanānattaṃ nāmanānattañca viseso.
ਚੂਲ਼ਸੁਗਨ੍ਧਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Cūḷasugandhattheraapadānavaṇṇanā samattā.
ਪਞ੍ਚਪਞ੍ਞਾਸਮવਗ੍ਗવਣ੍ਣਨਾ ਸਮਤ੍ਤਾ।
Pañcapaññāsamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਚੂਲ਼ਸੁਗਨ੍ਧਤ੍ਥੇਰਅਪਦਾਨਂ • 10. Cūḷasugandhattheraapadānaṃ
