| Library / Tipiṭaka / ติปิฎก • Tipiṭaka / อุทานปาฬิ • Udānapāḷi |
๑๐. จูฬปนฺถกสุตฺตํ
10. Cūḷapanthakasuttaṃ
๕๐. เอวํ เม สุตํ – เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ เตน โข ปน สมเยน อายสฺมา จูฬปนฺถโก 1 ภควโต อวิทูเร นิสิโนฺน โหติ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สติํ อุปฎฺฐเปตฺวาฯ
50. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā cūḷapanthako 2 bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.
อทฺทสา โข ภควา อายสฺมนฺตํ จูฬปนฺถกํ อวิทูเร นิสินฺนํ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สติํ อุปฎฺฐเปตฺวาฯ
Addasā kho bhagavā āyasmantaṃ cūḷapanthakaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ฐิเตน กาเยน ฐิเตน เจตสา,
‘‘Ṭhitena kāyena ṭhitena cetasā,
ติฎฺฐํ นิสิโนฺน อุท วา สยาโน;
Tiṭṭhaṃ nisinno uda vā sayāno;
ลเภถ ปุพฺพาปริยํ วิเสสํ;
Labhetha pubbāpariyaṃ visesaṃ;
ลทฺธาน ปุพฺพาปริยํ วิเสสํ,
Laddhāna pubbāpariyaṃ visesaṃ,
อทสฺสนํ มจฺจุราชสฺส คเจฺฉ’’ติฯ ทสมํ;
Adassanaṃ maccurājassa gacche’’ti. dasamaṃ;
ตสฺสุทฺทานํ –
Tassuddānaṃ –
ปิโย อปฺปายุกา กุฎฺฐี, กุมารกา อุโปสโถ;
Piyo appāyukā kuṭṭhī, kumārakā uposatho;
โสโณ จ เรวโต เภโท, สธาย ปนฺถเกน จาติฯ
Soṇo ca revato bhedo, sadhāya panthakena cāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อุทาน-อฎฺฐกถา • Udāna-aṭṭhakathā / ๑๐. จูฬปนฺถกสุตฺตวณฺณนา • 10. Cūḷapanthakasuttavaṇṇanā
