| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੩. ਚੂਲ਼ਮਾਲੁਕ੍ਯਸੁਤ੍ਤવਣ੍ਣਨਾ
3. Cūḷamālukyasuttavaṇṇanā
੧੨੨. ਏવਂ ਮੇ ਸੁਤਨ੍ਤਿ ਮਾਲੁਕ੍ਯਸੁਤ੍ਤਂ। ਤਤ੍ਥ ਮਾਲੁਕ੍ਯਪੁਤ੍ਤਸ੍ਸਾਤਿ ਏવਂਨਾਮਕਸ੍ਸ ਥੇਰਸ੍ਸ। ਠਪਿਤਾਨਿ ਪਟਿਕ੍ਖਿਤ੍ਤਾਨੀਤਿ ਦਿਟ੍ਠਿਗਤਾਨਿ ਨਾਮ ਨ ਬ੍ਯਾਕਾਤਬ੍ਬਾਨੀਤਿ ਏવਂ ਠਪਿਤਾਨਿ ਚੇવ ਪਟਿਕ੍ਖਿਤ੍ਤਾਨਿ ਚ। ਤਥਾਗਤੋਤਿ ਸਤ੍ਤੋ। ਤਂ ਮੇ ਨ ਰੁਚ੍ਚਤੀਤਿ ਤਂ ਅਬ੍ਯਾਕਰਣਂ ਮਯ੍ਹਂ ਨ ਰੁਚ੍ਚਤਿ। ਸਿਕ੍ਖਂ ਪਚ੍ਚਕ੍ਖਾਯਾਤਿ ਸਿਕ੍ਖਂ ਪਟਿਕ੍ਖਿਪਿਤ੍વਾ।
122.Evaṃme sutanti mālukyasuttaṃ. Tattha mālukyaputtassāti evaṃnāmakassa therassa. Ṭhapitāni paṭikkhittānīti diṭṭhigatāni nāma na byākātabbānīti evaṃ ṭhapitāni ceva paṭikkhittāni ca. Tathāgatoti satto. Taṃ me na ruccatīti taṃ abyākaraṇaṃ mayhaṃ na ruccati. Sikkhaṃpaccakkhāyāti sikkhaṃ paṭikkhipitvā.
੧੨੫. ਕੋ ਸਨ੍ਤੋ ਕਂ ਪਚ੍ਚਾਚਿਕ੍ਖਸੀਤਿ ਯਾਚਕੋ વਾ ਹਿ ਯਾਚਿਤਕਂ ਪਚ੍ਚਾਚਿਕ੍ਖੇਯ੍ਯ, ਯਾਚਿਤਕੋ વਾ ਯਾਚਕਂ। ਤ੍વਂ ਨੇવ ਯਾਚਕੋ ਨ ਯਾਚਿਤਕੋ, ਸੋ ਦਾਨਿ ਤ੍વਂ ਕੋ ਸਨ੍ਤੋ ਕਂ ਪਚ੍ਚਾਚਿਕ੍ਖਸੀਤਿ ਅਤ੍ਥੋ।
125.Ko santo kaṃ paccācikkhasīti yācako vā hi yācitakaṃ paccācikkheyya, yācitako vā yācakaṃ. Tvaṃ neva yācako na yācitako, so dāni tvaṃ ko santo kaṃ paccācikkhasīti attho.
੧੨੬. વਿਦ੍ਧੋ ਅਸ੍ਸਾਤਿ ਪਰਸੇਨਾਯ ਠਿਤੇਨ વਿਦ੍ਧੋ ਭવੇਯ੍ਯ। ਗਾਲ਼੍ਹਪਲੇਪਨੇਨਾਤਿ ਬਹਲਲੇਪਨੇਨ। ਭਿਸਕ੍ਕਨ੍ਤਿ વੇਜ੍ਜਂ। ਸਲ੍ਲਕਤ੍ਤਨ੍ਤਿ ਸਲ੍ਲਕਨ੍ਤਨਂ ਸਲ੍ਲਕਨ੍ਤਿਯਸੁਤ੍ਤવਾਚਕਂ। ਅਕ੍ਕਸ੍ਸਾਤਿ ਅਕ੍ਕવਾਕੇ ਗਹੇਤ੍વਾ ਜਿਯਂ ਕਰੋਨ੍ਤਿ। ਤੇਨ વੁਤ੍ਤਂ ‘‘ਅਕ੍ਕਸ੍ਸਾ’’ਤਿ। ਸਣ੍ਹਸ੍ਸਾਤਿ વੇਣੁવਿਲੀવਸ੍ਸ। ਮਰੁવਾਖੀਰਪਣ੍ਣੀਨਮ੍ਪਿ વਾਕੇਹਿਯੇવ ਕਰੋਨ੍ਤਿ। ਤੇਨ વੁਤ੍ਤਂ ਯਦਿ વਾ ਮਰੁવਾਯ ਯਦਿ વਾ ਖੀਰਪਣ੍ਣਿਨੋਤਿ। ਗਚ੍ਛਨ੍ਤਿ ਪਬ੍ਬਤਗਚ੍ਛਨਦੀਗਚ੍ਛਾਦੀਸੁ ਜਾਤਂ। ਰੋਪਿਮਨ੍ਤਿ ਰੋਪੇਤ੍વਾ વਡ੍ਢਿਤਂ ਸਰવਨਤੋ ਸਰਂ ਗਹੇਤ੍વਾ ਕਤਂ। ਸਿਥਿਲਹਨੁਨੋਤਿ ਏવਂਨਾਮਕਸ੍ਸ ਪਕ੍ਖਿਨੋ। ਭੇਰવਸ੍ਸਾਤਿ ਕਾਲ਼ਸੀਹਸ੍ਸ। ਸੇਮ੍ਹਾਰਸ੍ਸਾਤਿ ਮਕ੍ਕਟਸ੍ਸ। ਏવਂ ਨੋਤਿ ਏਤਾਯ ਦਿਟ੍ਠਿਯਾ ਸਤਿ ਨ ਹੋਤੀਤਿ ਅਤ੍ਥੋ।
126.Viddhoassāti parasenāya ṭhitena viddho bhaveyya. Gāḷhapalepanenāti bahalalepanena. Bhisakkanti vejjaṃ. Sallakattanti sallakantanaṃ sallakantiyasuttavācakaṃ. Akkassāti akkavāke gahetvā jiyaṃ karonti. Tena vuttaṃ ‘‘akkassā’’ti. Saṇhassāti veṇuvilīvassa. Maruvākhīrapaṇṇīnampi vākehiyeva karonti. Tena vuttaṃ yadi vā maruvāya yadi vā khīrapaṇṇinoti. Gacchanti pabbatagacchanadīgacchādīsu jātaṃ. Ropimanti ropetvā vaḍḍhitaṃ saravanato saraṃ gahetvā kataṃ. Sithilahanunoti evaṃnāmakassa pakkhino. Bheravassāti kāḷasīhassa. Semhārassāti makkaṭassa. Evaṃ noti etāya diṭṭhiyā sati na hotīti attho.
੧੨੭. ਅਤ੍ਥੇવ ਜਾਤੀਤਿ ਏਤਾਯ ਦਿਟ੍ਠਿਯਾ ਸਤਿ ਬ੍ਰਹ੍ਮਚਰਿਯવਾਸੋવ ਨਤ੍ਥਿ, ਜਾਤਿ ਪਨ ਅਤ੍ਥਿਯੇવ। ਤਥਾ ਜਰਾਮਰਣਾਦੀਨੀਤਿ ਦਸ੍ਸੇਤਿ। ਯੇਸਾਹਨ੍ਤਿ ਯੇਸਂ ਅਹਂ। ਨਿਘਾਤਨ੍ਤਿ ਉਪਘਾਤਂ વਿਨਾਸਂ। ਮਮ ਸਾવਕਾ ਹਿ ਏਤੇਸੁ ਨਿਬ੍ਬਿਨ੍ਨਾ ਇਧੇવ ਨਿਬ੍ਬਾਨਂ ਪਾਪੁਣਨ੍ਤੀਤਿ ਅਧਿਪ੍ਪਾਯੋ।
127.Attheva jātīti etāya diṭṭhiyā sati brahmacariyavāsova natthi, jāti pana atthiyeva. Tathā jarāmaraṇādīnīti dasseti. Yesāhanti yesaṃ ahaṃ. Nighātanti upaghātaṃ vināsaṃ. Mama sāvakā hi etesu nibbinnā idheva nibbānaṃ pāpuṇantīti adhippāyo.
੧੨੮. ਤਸ੍ਮਾਤਿਹਾਤਿ ਯਸ੍ਮਾ ਅਬ੍ਯਾਕਤਮੇਤਂ, ਚਤੁਸਚ੍ਚਮੇવ ਮਯਾ ਬ੍ਯਾਕਤਂ, ਤਸ੍ਮਾਤਿ ਅਤ੍ਥੋ। ਨ ਹੇਤਂ ਮਾਲੁਕ੍ਯਪੁਤ੍ਤ ਅਤ੍ਥਸਂਹਿਤਨ੍ਤਿ ਏਤਂ ਦਿਟ੍ਠਿਗਤਂ વਾ ਏਤਂ ਬ੍ਯਾਕਰਣਂ વਾ ਕਾਰਣਨਿਸ੍ਸਿਤਂ ਨ ਹੋਤਿ। ਨ ਆਦਿਬ੍ਰਹ੍ਮਚਰਿਯਕਨ੍ਤਿ ਬ੍ਰਹ੍ਮਚਰਿਯਸ੍ਸ ਆਦਿਮਤ੍ਤਮ੍ਪਿ ਪੁਬ੍ਬਭਾਗਸੀਲਮਤ੍ਤਮ੍ਪਿ ਨ ਹੋਤਿ। ਨ ਨਿਬ੍ਬਿਦਾਯਾਤਿਆਦੀਸੁ વਟ੍ਟੇ ਨਿਬ੍ਬਿਨ੍ਦਨਤ੍ਥਾਯ વਾ વਿਰਜ੍ਝਨਤ੍ਥਾਯ વਾ વਟ੍ਟਨਿਰੋਧਾਯ વਾ ਰਾਗਾਦਿવੂਪਸਮਨਤ੍ਥਾਯ વਾ ਅਭਿਞ੍ਞੇਯ੍ਯੇ ਧਮ੍ਮੇ ਅਭਿਜਾਨਨਤ੍ਥਾਯ વਾ ਚਤੁਮਗ੍ਗਸਙ੍ਖਾਤਸਮ੍ਬੋਧਤ੍ਥਾਯ વਾ ਅਸਙ੍ਖਤਨਿਬ੍ਬਾਨਸਚ੍ਛਿਕਿਰਿਯਤ੍ਥਾਯ વਾ ਨ ਹੋਤਿ। ਏਤਂ ਹੀਤਿ ਏਤਂ ਚਤੁਸਚ੍ਚਬ੍ਯਾਕਰਣਂ। ਆਦਿਬ੍ਰਹ੍ਮਚਰਿਯਕਨ੍ਤਿ ਬ੍ਰਹ੍ਮਚਰਿਯਸ੍ਸ ਆਦਿਭੂਤਂ ਪੁਬ੍ਬਪਦਟ੍ਠਾਨਂ। ਸੇਸਂ વੁਤ੍ਤਪਟਿવਿਪਕ੍ਖਨਯੇਨ વੇਦਿਤਬ੍ਬਂ। ਇਮਮ੍ਪਿ ਦੇਸਨਂ ਭਗવਾ ਨੇਯ੍ਯਪੁਗ੍ਗਲવਸੇਨ ਨਿਟ੍ਠਾਪੇਸੀਤਿ।
128.Tasmātihāti yasmā abyākatametaṃ, catusaccameva mayā byākataṃ, tasmāti attho. Na hetaṃ mālukyaputta atthasaṃhitanti etaṃ diṭṭhigataṃ vā etaṃ byākaraṇaṃ vā kāraṇanissitaṃ na hoti. Na ādibrahmacariyakanti brahmacariyassa ādimattampi pubbabhāgasīlamattampi na hoti. Na nibbidāyātiādīsu vaṭṭe nibbindanatthāya vā virajjhanatthāya vā vaṭṭanirodhāya vā rāgādivūpasamanatthāya vā abhiññeyye dhamme abhijānanatthāya vā catumaggasaṅkhātasambodhatthāya vā asaṅkhatanibbānasacchikiriyatthāya vā na hoti. Etaṃ hīti etaṃ catusaccabyākaraṇaṃ. Ādibrahmacariyakanti brahmacariyassa ādibhūtaṃ pubbapadaṭṭhānaṃ. Sesaṃ vuttapaṭivipakkhanayena veditabbaṃ. Imampi desanaṃ bhagavā neyyapuggalavasena niṭṭhāpesīti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਚੂਲ਼ਮਾਲੁਕ੍ਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Cūḷamālukyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੩. ਚੂਲ਼ਮਾਲੁਕ੍ਯਸੁਤ੍ਤਂ • 3. Cūḷamālukyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੩. ਚੂਲ਼ਮਾਲੁਕ੍ਯਸੁਤ੍ਤવਣ੍ਣਨਾ • 3. Cūḷamālukyasuttavaṇṇanā
