| Library / Tipiṭaka / တိပိဋက • Tipiṭaka / ထေရဂာထာပာဠိ • Theragāthāpāḷi |
၆. စူဠကတ္ထေရဂာထာ
6. Cūḷakattheragāthā
၂၁၁.
211.
‘‘နဒန္တိ မောရာ သုသိခာ သုပေခုဏာ၊ သုနီလဂီဝာ သုမုခာ သုဂဇ္ဇိနော။
‘‘Nadanti morā susikhā supekhuṇā, sunīlagīvā sumukhā sugajjino;
သုသဒ္ဒလာ စာပိ မဟာမဟီ အယံ၊ သုဗ္ယာပိတမ္ဗု သုဝလာဟကံ နဘံ။
Susaddalā cāpi mahāmahī ayaṃ, subyāpitambu suvalāhakaṃ nabhaṃ.
၂၁၂.
212.
‘‘သုကလ္လရူပော သုမနသ္သ ဈာယတံ 1၊ သုနိက္ကမော သာဓု သုဗုဒ္ဓသာသနေ။
‘‘Sukallarūpo sumanassa jhāyataṃ 2, sunikkamo sādhu subuddhasāsane;
သုသုက္ကသုက္ကံ နိပုဏံ သုဒုဒ္ဒသံ၊ ဖုသာဟိ တံ ဥတ္တမမစ္စုတံ ပဒ’’န္တိ။
Susukkasukkaṃ nipuṇaṃ sududdasaṃ, phusāhi taṃ uttamamaccutaṃ pada’’nti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရဂာထာ-အဋ္ဌကထာ • Theragāthā-aṭṭhakathā / ၆. စူဠကတ္ထေရဂာထာဝဏ္ဏနာ • 6. Cūḷakattheragāthāvaṇṇanā
