| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ
14. Cuddasamanayo vippayuttenasaṅgahitāsaṅgahitapadavaṇṇanā
൪൫൬. ധമ്മസഭാവമത്തത്താതി സഭാവധമ്മാനം ധമ്മമത്തത്താ അവത്ഥാവിസേസമത്തത്താ.
456. Dhammasabhāvamattattāti sabhāvadhammānaṃ dhammamattattā avatthāvisesamattattā.
സമുച്ഛിജ്ജതി ഏതേനാതി സമുച്ഛേദോ. സങ്ഗഹാദിവിചാരപരിനിട്ഠാനഭൂതോ ചുദ്ദസമനയോ. തേനാഹ ‘‘പരിയോസാനേ നയേ’’തി. വിസ്സജ്ജേതബ്ബധമ്മവിവിത്താ പുച്ഛാ മോഘപുച്ഛാ, സാ തഥാഭൂതാപി വിസ്സജ്ജേതബ്ബധമ്മാഭാവസ്സ ഞാപികാ ഹോതീതി ആഹ ‘‘തേസം പുച്ഛായ മോഘത്താ തേ ന ലബ്ഭന്തീ’’തി. മോഘാ പുച്ഛാ ഏതസ്സാതി മോഘപുച്ഛകോ. അട്ഠമോ നയോ തത്ഥ സബ്ബപുച്ഛാനം മോഘത്താ . തേന ച സഹാതി തേന അട്ഠമനയേന സദ്ധിം ഇമസ്മിം ഓസാനനയേ അട്ഠമനയേ ച ഓസാനനയേ ച ഏതേ ധമ്മായതനാദയോ സബ്ബപ്പകാരേന ന ലബ്ഭന്തി. വിപ്പയോഗസ്സപി അഭാവാതി തത്ഥ കാരണമാഹ.
Samucchijjati etenāti samucchedo. Saṅgahādivicārapariniṭṭhānabhūto cuddasamanayo. Tenāha ‘‘pariyosāne naye’’ti. Vissajjetabbadhammavivittā pucchā moghapucchā, sā tathābhūtāpi vissajjetabbadhammābhāvassa ñāpikā hotīti āha ‘‘tesaṃ pucchāya moghattā te na labbhantī’’ti. Moghā pucchā etassāti moghapucchako. Aṭṭhamo nayo tattha sabbapucchānaṃ moghattā . Tena ca sahāti tena aṭṭhamanayena saddhiṃ imasmiṃ osānanaye aṭṭhamanaye ca osānanaye ca ete dhammāyatanādayo sabbappakārena na labbhanti. Vippayogassapi abhāvāti tattha kāraṇamāha.
ചുദ്ദസമനയവിപ്പയുത്തേനസങ്ഗഹിതാസങ്ഗഹിതപദവണ്ണനാ നിട്ഠിതാ.
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
ധാതുകഥാപകരണ-അനുടീകാ സമത്താ.
Dhātukathāpakaraṇa-anuṭīkā samattā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൧൪. വിപ്പയുത്തേനസങ്ഗഹിതാസങ്ഗഹിതപദനിദ്ദേസോ • 14. Vippayuttenasaṅgahitāsaṅgahitapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ • 14. Cuddasamanayo vippayuttenasaṅgahitāsaṅgahitapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ • 14. Cuddasamanayo vippayuttenasaṅgahitāsaṅgahitapadavaṇṇanā
