| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༡༤. ཙུདྡསམནཡོ ཝིཔྤཡུཏྟེནསངྒཧིཏཱསངྒཧིཏཔདཝཎྞནཱ
14. Cuddasamanayo vippayuttenasaṅgahitāsaṅgahitapadavaṇṇanā
༤༥༦. ཙུདྡསམནཡེ དྷམྨཱཡཏནཱདཱིནཾ ཨནཱརམྨཎམིསྶཀསབྦཙིཏྟུཔྤཱདགཏདྷམྨབྷཱཝཏོ ཝིཔྤཡོགསྶ ཨརུཧཎཾ དཊྛབྦཾ། ཛཱཏིཨཱདིཏྟཡསྶ ཙེཏྠ དྷམྨསབྷཱཝམཏྟཏྟཱ ན ཀཐཉྩི སམྤཡོགོ ཝིཔྤཡོགོ ཙ རུཧཏི ཨཛ྄ཛྷཏྟབཧིདྡྷདྷམྨཱནཾ སབྦདྷམྨསམོདྷཱནཏྟཱ, ཨནིདསྶནཨཔྤཊིགྷཱདཱིནཾ ཨནཱརམྨཎམིསྶཀསབྦཙིཏྟུཔྤཱདཏྟཱ། དུཀྑསཙྩཱདིདྷམྨཱཝ ཨིདྷ ཏེཧི ཝིཔྤཡུཏྟཱནཾ སངྒཧཱསངྒཧསབྦྷཱཝཱ གཧིཏཱཏི།
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
པཱལི༹ཨུདྡཱནགཱཐཱཡཾ སམུཙྪེདེ ན ལབྦྷནྟཱིཏི པརིཡོསཱནེ ནཡེ ན ལབྦྷནྟཱིཏི ཨཏྠོ། མོགྷཔུཙྪཀེན ཙཱཏི ཨལབྦྷམཱནཱ ཙ ཏེ མོགྷཔུཙྪཀེན ཧེཏུནཱ ན ལབྦྷནྟི ཏེསཾ པུཙྪཱཡ མོགྷཏྟཱཏི ཝུཏྟཾ ཧོཏི། ཨཐ ཝཱ མོགྷཔུཙྪཀོ ཨཊྛམོ ནཡོ, ཏེན ཙ སཧ ཨོསཱནནཡེ ཨེཏེ དྷམྨཱ ཝིཔྤཡོགསྶཔི ཨབྷཱཝཱ སབྦཐཱཔི ན ལབྦྷནྟཱིཏི ཨཏྠོ།
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
ཙུདྡསམནཡཝིཔྤཡུཏྟེནསངྒཧིཏཱསངྒཧིཏཔདཝཎྞནཱ ནིཊྛིཏཱ།
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
དྷཱཏུཀཐཱཔཀརཎ-མཱུལཊཱིཀཱ སམཏྟཱ།
Dhātukathāpakaraṇa-mūlaṭīkā samattā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷཱཏུཀཐཱཔཱལི༹ • Dhātukathāpāḷi / ༡༤. ཝིཔྤཡུཏྟེནསངྒཧིཏཱསངྒཧིཏཔདནིདྡེསོ • 14. Vippayuttenasaṅgahitāsaṅgahitapadaniddeso
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༤. ཙུདྡསམནཡོ ཝིཔྤཡུཏྟེནསངྒཧིཏཱསངྒཧིཏཔདཝཎྞནཱ • 14. Cuddasamanayo vippayuttenasaṅgahitāsaṅgahitapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༤. ཙུདྡསམནཡོ ཝིཔྤཡུཏྟེནསངྒཧིཏཱསངྒཧིཏཔདཝཎྞནཱ • 14. Cuddasamanayo vippayuttenasaṅgahitāsaṅgahitapadavaṇṇanā
