| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༧-༩. ཙོདནཱསུཏྟཱདིཝཎྞནཱ
7-9. Codanāsuttādivaṇṇanā
༡༦༧-༩. སཏྟམེ ཝཏྠུསནྡསྶནཱཏི ཡསྨིཾ ཝཏྠུསྨིཾ ཨཱཔཏྟི, ཏསྶ སརཱུཔཏོ དསྶནཾ། ཨཱཔཏྟིསནྡསྶནཱཏི ཡཾ ཨཱཔཏྟིཾ སོ ཨཱཔནྣོ, ཏསྶཱ དསྶནཾ། སཾཝཱསཔྤཊིཀྑེཔོཏི ཨུཔོསཐཔྤཝཱརཎཱདིསཾཝཱསསྶ པཊིཀྑིཔནཾ ཨཀརཎཾ། སཱམཱིཙིཔྤཊིཀྑེཔོཏི ཨབྷིཝཱདནཱདིསཱམཱིཙིཀིརིཡཱཡ ཨཀརཎཾ། ཙོདཡམཱནེནཱཏི ཙོདེནྟེན། ཙུདིཏཀསྶ ཀཱལོཏི ཙུདིཏཀསྶ ཙོདེཏབྦཀཱལོ། པུགྒལནྟི ཙོདེཏབྦཔུགྒལཾ། ཨུཔཔརིཀྑིཏྭཱཏི ‘‘ཨཡཾ ཙུདིཏཀལཀྑཎེ ཏིཊྛཏི, ན ཏིཊྛཏཱི’’ཏི ཝཱིམཾསིཏྭཱ། ཨཡསཾ ཨཱརོཔེཏཱིཏི ‘‘ཨིམེ མཾ ཨབྷཱུཏེན ཨབྦྷཱཙིཀྑནྟཱ ཨཡསཾ བྱསནཾ ཨུཔྤཱདེནྟཱི’’ཏི བྷིཀྑཱུནཾ ཨཡསཾ ཨུཔྤཱདེཏི། ཨཊྛམནཝམཱནི ཨུཏྟཱནཏྠཱནེཝ།
167-9. Sattame vatthusandassanāti yasmiṃ vatthusmiṃ āpatti, tassa sarūpato dassanaṃ. Āpattisandassanāti yaṃ āpattiṃ so āpanno, tassā dassanaṃ. Saṃvāsappaṭikkhepoti uposathappavāraṇādisaṃvāsassa paṭikkhipanaṃ akaraṇaṃ. Sāmīcippaṭikkhepoti abhivādanādisāmīcikiriyāya akaraṇaṃ. Codayamānenāti codentena. Cuditakassa kāloti cuditakassa codetabbakālo. Puggalanti codetabbapuggalaṃ. Upaparikkhitvāti ‘‘ayaṃ cuditakalakkhaṇe tiṭṭhati, na tiṭṭhatī’’ti vīmaṃsitvā. Ayasaṃ āropetīti ‘‘ime maṃ abhūtena abbhācikkhantā ayasaṃ byasanaṃ uppādentī’’ti bhikkhūnaṃ ayasaṃ uppādeti. Aṭṭhamanavamāni uttānatthāneva.
ཙོདནཱསུཏྟཱདིཝཎྞནཱ ནིཊྛིཏཱ།
Codanāsuttādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༧. ཙོདནཱསུཏྟཾ • 7. Codanāsuttaṃ
༨. སཱིལསུཏྟཾ • 8. Sīlasuttaṃ
༩. ཁིཔྤནིསནྟིསུཏྟཾ • 9. Khippanisantisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā)
༧. ཙོདནཱསུཏྟཝཎྞནཱ • 7. Codanāsuttavaṇṇanā
༩. ཁིཔྤནིསནྟིསུཏྟཝཎྞནཱ • 9. Khippanisantisuttavaṇṇanā
