| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૭-૯. ચોદનાસુત્તાદિવણ્ણના
7-9. Codanāsuttādivaṇṇanā
૧૬૭-૯. સત્તમે વત્થુસન્દસ્સનાતિ યસ્મિં વત્થુસ્મિં આપત્તિ, તસ્સ સરૂપતો દસ્સનં. આપત્તિસન્દસ્સનાતિ યં આપત્તિં સો આપન્નો, તસ્સા દસ્સનં. સંવાસપ્પટિક્ખેપોતિ ઉપોસથપ્પવારણાદિસંવાસસ્સ પટિક્ખિપનં અકરણં. સામીચિપ્પટિક્ખેપોતિ અભિવાદનાદિસામીચિકિરિયાય અકરણં. ચોદયમાનેનાતિ ચોદેન્તેન. ચુદિતકસ્સ કાલોતિ ચુદિતકસ્સ ચોદેતબ્બકાલો. પુગ્ગલન્તિ ચોદેતબ્બપુગ્ગલં. ઉપપરિક્ખિત્વાતિ ‘‘અયં ચુદિતકલક્ખણે તિટ્ઠતિ, ન તિટ્ઠતી’’તિ વીમંસિત્વા. અયસં આરોપેતીતિ ‘‘ઇમે મં અભૂતેન અબ્ભાચિક્ખન્તા અયસં બ્યસનં ઉપ્પાદેન્તી’’તિ ભિક્ખૂનં અયસં ઉપ્પાદેતિ. અટ્ઠમનવમાનિ ઉત્તાનત્થાનેવ.
167-9. Sattame vatthusandassanāti yasmiṃ vatthusmiṃ āpatti, tassa sarūpato dassanaṃ. Āpattisandassanāti yaṃ āpattiṃ so āpanno, tassā dassanaṃ. Saṃvāsappaṭikkhepoti uposathappavāraṇādisaṃvāsassa paṭikkhipanaṃ akaraṇaṃ. Sāmīcippaṭikkhepoti abhivādanādisāmīcikiriyāya akaraṇaṃ. Codayamānenāti codentena. Cuditakassa kāloti cuditakassa codetabbakālo. Puggalanti codetabbapuggalaṃ. Upaparikkhitvāti ‘‘ayaṃ cuditakalakkhaṇe tiṭṭhati, na tiṭṭhatī’’ti vīmaṃsitvā. Ayasaṃ āropetīti ‘‘ime maṃ abhūtena abbhācikkhantā ayasaṃ byasanaṃ uppādentī’’ti bhikkhūnaṃ ayasaṃ uppādeti. Aṭṭhamanavamāni uttānatthāneva.
ચોદનાસુત્તાદિવણ્ણના નિટ્ઠિતા.
Codanāsuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૭. ચોદનાસુત્તં • 7. Codanāsuttaṃ
૮. સીલસુત્તં • 8. Sīlasuttaṃ
૯. ખિપ્પનિસન્તિસુત્તં • 9. Khippanisantisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૭. ચોદનાસુત્તવણ્ણના • 7. Codanāsuttavaṇṇanā
૯. ખિપ્પનિસન્તિસુત્તવણ્ણના • 9. Khippanisantisuttavaṇṇanā
