| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
७-९. चोदनासुत्तादिवण्णना
7-9. Codanāsuttādivaṇṇanā
१६७-९. सत्तमे वत्थुसन्दस्सनाति यस्मिं वत्थुस्मिं आपत्ति, तस्स सरूपतो दस्सनं। आपत्तिसन्दस्सनाति यं आपत्तिं सो आपन्नो, तस्सा दस्सनं। संवासप्पटिक्खेपोति उपोसथप्पवारणादिसंवासस्स पटिक्खिपनं अकरणं। सामीचिप्पटिक्खेपोति अभिवादनादिसामीचिकिरियाय अकरणं। चोदयमानेनाति चोदेन्तेन। चुदितकस्स कालोति चुदितकस्स चोदेतब्बकालो। पुग्गलन्ति चोदेतब्बपुग्गलं। उपपरिक्खित्वाति ‘‘अयं चुदितकलक्खणे तिट्ठति, न तिट्ठती’’ति वीमंसित्वा। अयसं आरोपेतीति ‘‘इमे मं अभूतेन अब्भाचिक्खन्ता अयसं ब्यसनं उप्पादेन्ती’’ति भिक्खूनं अयसं उप्पादेति। अट्ठमनवमानि उत्तानत्थानेव।
167-9. Sattame vatthusandassanāti yasmiṃ vatthusmiṃ āpatti, tassa sarūpato dassanaṃ. Āpattisandassanāti yaṃ āpattiṃ so āpanno, tassā dassanaṃ. Saṃvāsappaṭikkhepoti uposathappavāraṇādisaṃvāsassa paṭikkhipanaṃ akaraṇaṃ. Sāmīcippaṭikkhepoti abhivādanādisāmīcikiriyāya akaraṇaṃ. Codayamānenāti codentena. Cuditakassa kāloti cuditakassa codetabbakālo. Puggalanti codetabbapuggalaṃ. Upaparikkhitvāti ‘‘ayaṃ cuditakalakkhaṇe tiṭṭhati, na tiṭṭhatī’’ti vīmaṃsitvā. Ayasaṃ āropetīti ‘‘ime maṃ abhūtena abbhācikkhantā ayasaṃ byasanaṃ uppādentī’’ti bhikkhūnaṃ ayasaṃ uppādeti. Aṭṭhamanavamāni uttānatthāneva.
चोदनासुत्तादिवण्णना निट्ठिता।
Codanāsuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
७. चोदनासुत्तं • 7. Codanāsuttaṃ
८. सीलसुत्तं • 8. Sīlasuttaṃ
९. खिप्पनिसन्तिसुत्तं • 9. Khippanisantisuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
७. चोदनासुत्तवण्णना • 7. Codanāsuttavaṇṇanā
९. खिप्पनिसन्तिसुत्तवण्णना • 9. Khippanisantisuttavaṇṇanā
