| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
ਅਪਰਗਾਥਾਸਙ੍ਗਣਿਕਂ
Aparagāthāsaṅgaṇikaṃ
੧. ਚੋਦਨਾਦਿਪੁਚ੍ਛਾવਿਸ੍ਸਜ੍ਜਨਾ
1. Codanādipucchāvissajjanā
੩੫੯.
359.
ਚੋਦਨਾ ਕਿਮਤ੍ਥਾਯ, ਸਾਰਣਾ ਕਿਸ੍ਸ ਕਾਰਣਾ।
Codanā kimatthāya, sāraṇā kissa kāraṇā;
ਸਙ੍ਘੋ ਕਿਮਤ੍ਥਾਯ, ਮਤਿਕਮ੍ਮਂ ਪਨ ਕਿਸ੍ਸ ਕਾਰਣਾ॥
Saṅgho kimatthāya, matikammaṃ pana kissa kāraṇā.
ਚੋਦਨਾ ਸਾਰਣਤ੍ਥਾਯ, ਨਿਗ੍ਗਹਤ੍ਥਾਯ ਸਾਰਣਾ।
Codanā sāraṇatthāya, niggahatthāya sāraṇā;
ਸਙ੍ਘੋ ਪਰਿਗ੍ਗਹਤ੍ਥਾਯ, ਮਤਿਕਮ੍ਮਂ ਪਨ ਪਾਟਿਯੇਕ੍ਕਂ॥
Saṅgho pariggahatthāya, matikammaṃ pana pāṭiyekkaṃ.
ਮਾ ਖੋ ਤੁਰਿਤੋ ਅਭਣਿ, ਮਾ ਖੋ ਚਣ੍ਡਿਕਤੋ ਭਣਿ।
Mā kho turito abhaṇi, mā kho caṇḍikato bhaṇi;
ਮਾ ਖੋ ਪਟਿਘਂ ਜਨਯਿ, ਸਚੇ ਅਨੁવਿਜ੍ਜਕੋ ਤੁવਂ॥
Mā kho paṭighaṃ janayi, sace anuvijjako tuvaṃ.
ਮਾ ਖੋ ਸਹਸਾ ਅਭਣਿ, ਕਥਂ વਿਗ੍ਗਾਹਿਕਂ ਅਨਤ੍ਥਸਂਹਿਤਂ।
Mā kho sahasā abhaṇi, kathaṃ viggāhikaṃ anatthasaṃhitaṃ;
ਸੁਤ੍ਤੇ વਿਨਯੇ ਅਨੁਲੋਮੇ, ਪਞ੍ਞਤ੍ਤੇ ਅਨੁਲੋਮਿਕੇ॥
Sutte vinaye anulome, paññatte anulomike.
ਅਨੁਯੋਗવਤ੍ਤਂ ਨਿਸਾਮਯ, ਕੁਸਲੇਨ ਬੁਦ੍ਧਿਮਤਾ ਕਤਂ।
Anuyogavattaṃ nisāmaya, kusalena buddhimatā kataṃ;
ਸੁવੁਤ੍ਤਂ ਸਿਕ੍ਖਾਪਦਾਨੁਲੋਮਿਕਂ, ਗਤਿਂ ਨ ਨਾਸੇਨ੍ਤੋ ਸਮ੍ਪਰਾਯਿਕਂ।
Suvuttaṃ sikkhāpadānulomikaṃ, gatiṃ na nāsento samparāyikaṃ;
ਹਿਤੇਸੀ ਅਨੁਯੁਞ੍ਜਸ੍ਸੁ, ਕਾਲੇਨਤ੍ਥੂਪਸਂਹਿਤਂ॥
Hitesī anuyuñjassu, kālenatthūpasaṃhitaṃ.
ਚੁਦਿਤਸ੍ਸ ਚ ਚੋਦਕਸ੍ਸ ਚ।
Cuditassa ca codakassa ca;
ਸਹਸਾ વੋਹਾਰਂ ਮਾ ਪਧਾਰੇਸਿ।
Sahasā vohāraṃ mā padhāresi;
ਚੋਦਕੋ ਆਹ ਆਪਨ੍ਨੋਤਿ।
Codako āha āpannoti;
ਚੁਦਿਤਕੋ ਆਹ ਅਨਾਪਨ੍ਨੋਤਿ॥
Cuditako āha anāpannoti.
ਉਭੋ ਅਨੁਕ੍ਖਿਪਨ੍ਤੋ, ਪਟਿਞ੍ਞਾਨੁਸਨ੍ਧਿਤੇਨ ਕਾਰਯੇ।
Ubho anukkhipanto, paṭiññānusandhitena kāraye;
ਪਟਿਞ੍ਞਾ ਲਜ੍ਜੀਸੁ ਕਤਾ, ਅਲਜ੍ਜੀਸੁ ਏવਂ ਨ વਿਜ੍ਜਤਿ।
Paṭiññā lajjīsu katā, alajjīsu evaṃ na vijjati;
ਬਹੁਮ੍ਪਿ ਅਲਜ੍ਜੀ ਭਾਸੇਯ੍ਯ, વਤ੍ਤਾਨੁਸਨ੍ਧਿਤੇਨ 1 ਕਾਰਯੇ॥
Bahumpi alajjī bhāseyya, vattānusandhitena 2 kāraye.
ਅਲਜ੍ਜੀ ਕੀਦਿਸੋ ਹੋਤਿ, ਪਟਿਞ੍ਞਾ ਯਸ੍ਸ ਨ ਰੂਹਤਿ।
Alajjī kīdiso hoti, paṭiññā yassa na rūhati;
ਏਤਞ੍ਚ 3 ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਅਲਜ੍ਜੀ ਪੁਗ੍ਗਲੋ॥
Etañca 4 tāhaṃ pucchāmi, kīdiso vuccati alajjī puggalo.
ਸਞ੍ਚਿਚ੍ਚ ਆਪਤ੍ਤਿਂ ਆਪਜ੍ਜਤਿ, ਆਪਤ੍ਤਿਂ ਪਰਿਗੂਹਤਿ।
Sañcicca āpattiṃ āpajjati, āpattiṃ parigūhati;
ਅਗਤਿਗਮਨਞ੍ਚ ਗਚ੍ਛਤਿ, ਏਦਿਸੋ વੁਚ੍ਚਤਿ ਅਲਜ੍ਜੀਪੁਗ੍ਗਲੋ॥
Agatigamanañca gacchati, ediso vuccati alajjīpuggalo.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਅਲਜ੍ਜੀਪੁਗ੍ਗਲੋ।
Saccaṃ ahampi jānāmi, ediso vuccati alajjīpuggalo;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਲਜ੍ਜੀਪੁਗ੍ਗਲੋ॥
Aññañca tāhaṃ pucchāmi, kīdiso vuccati lajjīpuggalo.
ਸਞ੍ਚਿਚ੍ਚ ਆਪਤ੍ਤਿਂ ਨਾਪਜ੍ਜਤਿ, ਆਪਤ੍ਤਿਂ ਨ ਪਰਿਗੂਹਤਿ।
Sañcicca āpattiṃ nāpajjati, āpattiṃ na parigūhati;
ਅਗਤਿਗਮਨਂ ਨ ਗਚ੍ਛਤਿ, ਏਦਿਸੋ વੁਚ੍ਚਤਿ ਲਜ੍ਜੀਪੁਗ੍ਗਲੋ॥
Agatigamanaṃ na gacchati, ediso vuccati lajjīpuggalo.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਲਜ੍ਜੀਪੁਗ੍ਗਲੋ।
Saccaṃ ahampi jānāmi, ediso vuccati lajjīpuggalo;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਅਧਮ੍ਮਚੋਦਕੋ॥
Aññañca tāhaṃ pucchāmi, kīdiso vuccati adhammacodako.
ਅਕਾਲੇ ਚੋਦੇਤਿ ਅਭੂਤੇਨ।
Akāle codeti abhūtena;
ਫਰੁਸੇਨ ਅਨਤ੍ਥਸਂਹਿਤੇਨ।
Pharusena anatthasaṃhitena;
ਦੋਸਨ੍ਤਰੋ ਚੋਦੇਤਿ ਨੋ ਮੇਤ੍ਤਾਚਿਤ੍ਤੋ।
Dosantaro codeti no mettācitto;
ਏਦਿਸੋ વੁਚ੍ਚਤਿ ਅਧਮ੍ਮਚੋਦਕੋ॥
Ediso vuccati adhammacodako.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਅਧਮ੍ਮਚੋਦਕੋ।
Saccaṃ ahampi jānāmi, ediso vuccati adhammacodako;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਧਮ੍ਮਚੋਦਕੋ॥
Aññañca tāhaṃ pucchāmi, kīdiso vuccati dhammacodako.
ਕਾਲੇਨ ਚੋਦੇਤਿ ਭੂਤੇਨ, ਸਣ੍ਹੇਨ ਅਤ੍ਥਸਂਹਿਤੇਨ।
Kālena codeti bhūtena, saṇhena atthasaṃhitena;
ਮੇਤ੍ਤਾਚਿਤ੍ਤੋ ਚੋਦੇਤਿ ਨੋ ਦੋਸਨ੍ਤਰੋ।
Mettācitto codeti no dosantaro;
ਏਦਿਸੋ વੁਚ੍ਚਤਿ ਧਮ੍ਮਚੋਦਕੋ॥
Ediso vuccati dhammacodako.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਧਮ੍ਮਚੋਦਕੋ।
Saccaṃ ahampi jānāmi, ediso vuccati dhammacodako;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਬਾਲਚੋਦਕੋ॥
Aññañca tāhaṃ pucchāmi, kīdiso vuccati bālacodako.
ਪੁਬ੍ਬਾਪਰਂ ਨ ਜਾਨਾਤਿ, ਪੁਬ੍ਬਾਪਰਸ੍ਸ ਅਕੋવਿਦੋ।
Pubbāparaṃ na jānāti, pubbāparassa akovido;
ਅਨੁਸਨ੍ਧਿવਚਨਪਥਂ ਨ ਜਾਨਾਤਿ।
Anusandhivacanapathaṃ na jānāti;
ਅਨੁਸਨ੍ਧਿવਚਨਪਥਸ੍ਸ ਅਕੋવਿਦੋ।
Anusandhivacanapathassa akovido;
ਏਦਿਸੋ વੁਚ੍ਚਤਿ ਬਾਲਚੋਦਕੋ॥
Ediso vuccati bālacodako.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਬਾਲਚੋਦਕੋ।
Saccaṃ ahampi jānāmi, ediso vuccati bālacodako;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਕੀਦਿਸੋ વੁਚ੍ਚਤਿ ਪਣ੍ਡਿਤਚੋਦਕੋ॥
Aññañca tāhaṃ pucchāmi, kīdiso vuccati paṇḍitacodako.
ਪੁਬ੍ਬਾਪਰਮ੍ਪਿ ਜਾਨਾਤਿ, ਪੁਬ੍ਬਾਪਰਸ੍ਸ ਕੋવਿਦੋ।
Pubbāparampi jānāti, pubbāparassa kovido;
ਅਨੁਸਨ੍ਧਿવਚਨਪਥਂ ਜਾਨਾਤਿ, ਅਨੁਸਨ੍ਧਿવਚਨਪਥਸ੍ਸ ਕੋવਿਦੋ।
Anusandhivacanapathaṃ jānāti, anusandhivacanapathassa kovido;
ਏਦਿਸੋ વੁਚ੍ਚਤਿ ਪਣ੍ਡਿਤਚੋਦਕੋ॥
Ediso vuccati paṇḍitacodako.
ਸਚ੍ਚਂ ਅਹਮ੍ਪਿ ਜਾਨਾਮਿ, ਏਦਿਸੋ વੁਚ੍ਚਤਿ ਪਣ੍ਡਿਤਚੋਦਕੋ।
Saccaṃ ahampi jānāmi, ediso vuccati paṇḍitacodako;
ਅਞ੍ਞਞ੍ਚ ਤਾਹਂ ਪੁਚ੍ਛਾਮਿ, ਚੋਦਨਾ ਕਿਨ੍ਤਿ વੁਚ੍ਚਤਿ॥
Aññañca tāhaṃ pucchāmi, codanā kinti vuccati.
ਸੀਲવਿਪਤ੍ਤਿਯਾ ਚੋਦੇਤਿ, ਅਥੋ ਆਚਾਰਦਿਟ੍ਠਿਯਾ।
Sīlavipattiyā codeti, atho ācāradiṭṭhiyā;
ਆਜੀવੇਨਪਿ ਚੋਦੇਤਿ, ਚੋਦਨਾ ਤੇਨ વੁਚ੍ਚਤੀਤਿ॥
Ājīvenapi codeti, codanā tena vuccatīti.
ਅਪਰਂ ਗਾਥਾਸਙ੍ਗਣਿਕਂ ਨਿਟ੍ਠਿਤਂ।
Aparaṃ gāthāsaṅgaṇikaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਚੋਦਨਾਦਿਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Codanādipucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦੁਤਿਯਗਾਥਾਸਙ੍ਗਣਿਕવਣ੍ਣਨਾ • Dutiyagāthāsaṅgaṇikavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚੋਦਨਾਦਿਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Codanādipucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੋਦਨਾਦਿਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Codanādipucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਚੋਦਨਾਦਿਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Codanādipucchāvissajjanāvaṇṇanā
