| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
абараг̇аат̇аасан̇г̇ан̣игам̣
Aparagāthāsaṅgaṇikaṃ
1. жод̣̇анаад̣̇ибужчаависсаж̇ж̇анаа
1. Codanādipucchāvissajjanā
359.
359.
жод̣̇анаа гимад̇т̇ааяа, сааран̣аа гисса гааран̣аа;
Codanā kimatthāya, sāraṇā kissa kāraṇā;
сан̇гхо гимад̇т̇ааяа, мад̇игаммам̣ бана гисса гааран̣аа.
Saṅgho kimatthāya, matikammaṃ pana kissa kāraṇā.
жод̣̇анаа сааран̣ад̇т̇ааяа, ниг̇г̇ахад̇т̇ааяа сааран̣аа;
Codanā sāraṇatthāya, niggahatthāya sāraṇā;
сан̇гхо бариг̇г̇ахад̇т̇ааяа, мад̇игаммам̣ бана баадиязггам̣.
Saṅgho pariggahatthāya, matikammaṃ pana pāṭiyekkaṃ.
маа ко д̇урид̇о абхан̣и, маа ко жан̣д̣игад̇о бхан̣и;
Mā kho turito abhaṇi, mā kho caṇḍikato bhaṇi;
маа ко бадигхам̣ ж̇анаяи, сажз анувиж̇ж̇аго д̇увам̣.
Mā kho paṭighaṃ janayi, sace anuvijjako tuvaṃ.
маа ко сахасаа абхан̣и, гат̇ам̣ виг̇г̇аахигам̣ анад̇т̇асам̣хид̇ам̣;
Mā kho sahasā abhaṇi, kathaṃ viggāhikaṃ anatthasaṃhitaṃ;
суд̇д̇з винаяз ануломз, бан̃н̃ад̇д̇з ануломигз.
Sutte vinaye anulome, paññatte anulomike.
ануяог̇авад̇д̇ам̣ нисаамаяа, гусалзна б̣уд̣̇д̇химад̇аа гад̇ам̣;
Anuyogavattaṃ nisāmaya, kusalena buddhimatā kataṃ;
сувуд̇д̇ам̣ сигкаабад̣̇аануломигам̣, г̇ад̇им̣ на наасзнд̇о самбарааяигам̣;
Suvuttaṃ sikkhāpadānulomikaṃ, gatiṃ na nāsento samparāyikaṃ;
хид̇зсий ануяун̃ж̇ассу, гаалзнад̇т̇уубасам̣хид̇ам̣.
Hitesī anuyuñjassu, kālenatthūpasaṃhitaṃ.
жуд̣̇ид̇асса жа жод̣̇агасса жа;
Cuditassa ca codakassa ca;
сахасаа вохаарам̣ маа бад̇хаарзси;
Sahasā vohāraṃ mā padhāresi;
жод̣̇аго ааха аабаннод̇и;
Codako āha āpannoti;
жуд̣̇ид̇аго ааха анаабаннод̇и.
Cuditako āha anāpannoti.
убхо анугкибанд̇о, бадин̃н̃аанусанд̇хид̇зна гаараяз;
Ubho anukkhipanto, paṭiññānusandhitena kāraye;
бадин̃н̃аа лаж̇ж̇ийсу гад̇аа, алаж̇ж̇ийсу звам̣ на виж̇ж̇ад̇и;
Paṭiññā lajjīsu katā, alajjīsu evaṃ na vijjati;
б̣ахумби алаж̇ж̇ий бхаасзяяа, вад̇д̇аанусанд̇хид̇зна 1 гаараяз.
Bahumpi alajjī bhāseyya, vattānusandhitena 2 kāraye.
алаж̇ж̇ий гийд̣̇исо ход̇и, бадин̃н̃аа яасса на руухад̇и;
Alajjī kīdiso hoti, paṭiññā yassa na rūhati;
зд̇ан̃жа 3 д̇аахам̣ бужчаами, гийд̣̇исо вужжад̇и алаж̇ж̇ий буг̇г̇ало.
Etañca 4 tāhaṃ pucchāmi, kīdiso vuccati alajjī puggalo.
сан̃жижжа аабад̇д̇им̣ аабаж̇ж̇ад̇и, аабад̇д̇им̣ бариг̇уухад̇и;
Sañcicca āpattiṃ āpajjati, āpattiṃ parigūhati;
аг̇ад̇иг̇аманан̃жа г̇ажчад̇и, зд̣̇исо вужжад̇и алаж̇ж̇ийбуг̇г̇ало.
Agatigamanañca gacchati, ediso vuccati alajjīpuggalo.
сажжам̣ ахамби ж̇аанаами, зд̣̇исо вужжад̇и алаж̇ж̇ийбуг̇г̇ало;
Saccaṃ ahampi jānāmi, ediso vuccati alajjīpuggalo;
ан̃н̃ан̃жа д̇аахам̣ бужчаами, гийд̣̇исо вужжад̇и лаж̇ж̇ийбуг̇г̇ало.
Aññañca tāhaṃ pucchāmi, kīdiso vuccati lajjīpuggalo.
сан̃жижжа аабад̇д̇им̣ наабаж̇ж̇ад̇и, аабад̇д̇им̣ на бариг̇уухад̇и;
Sañcicca āpattiṃ nāpajjati, āpattiṃ na parigūhati;
аг̇ад̇иг̇аманам̣ на г̇ажчад̇и, зд̣̇исо вужжад̇и лаж̇ж̇ийбуг̇г̇ало.
Agatigamanaṃ na gacchati, ediso vuccati lajjīpuggalo.
сажжам̣ ахамби ж̇аанаами, зд̣̇исо вужжад̇и лаж̇ж̇ийбуг̇г̇ало;
Saccaṃ ahampi jānāmi, ediso vuccati lajjīpuggalo;
ан̃н̃ан̃жа д̇аахам̣ бужчаами, гийд̣̇исо вужжад̇и ад̇хаммажод̣̇аго.
Aññañca tāhaṃ pucchāmi, kīdiso vuccati adhammacodako.
агаалз жод̣̇зд̇и абхууд̇зна;
Akāle codeti abhūtena;
парусзна анад̇т̇асам̣хид̇зна;
Pharusena anatthasaṃhitena;
д̣̇осанд̇аро жод̣̇зд̇и но мзд̇д̇аажид̇д̇о;
Dosantaro codeti no mettācitto;
зд̣̇исо вужжад̇и ад̇хаммажод̣̇аго.
Ediso vuccati adhammacodako.
сажжам̣ ахамби ж̇аанаами, зд̣̇исо вужжад̇и ад̇хаммажод̣̇аго;
Saccaṃ ahampi jānāmi, ediso vuccati adhammacodako;
ан̃н̃ан̃жа д̇аахам̣ бужчаами, гийд̣̇исо вужжад̇и д̇хаммажод̣̇аго.
Aññañca tāhaṃ pucchāmi, kīdiso vuccati dhammacodako.
гаалзна жод̣̇зд̇и бхууд̇зна, сан̣хзна ад̇т̇асам̣хид̇зна;
Kālena codeti bhūtena, saṇhena atthasaṃhitena;
мзд̇д̇аажид̇д̇о жод̣̇зд̇и но д̣̇осанд̇аро;
Mettācitto codeti no dosantaro;
зд̣̇исо вужжад̇и д̇хаммажод̣̇аго.
Ediso vuccati dhammacodako.
сажжам̣ ахамби ж̇аанаами, зд̣̇исо вужжад̇и д̇хаммажод̣̇аго;
Saccaṃ ahampi jānāmi, ediso vuccati dhammacodako;
ан̃н̃ан̃жа д̇аахам̣ бужчаами, гийд̣̇исо вужжад̇и б̣аалажод̣̇аго.
Aññañca tāhaṃ pucchāmi, kīdiso vuccati bālacodako.
буб̣б̣аабарам̣ на ж̇аанаад̇и, буб̣б̣аабарасса аговид̣̇о;
Pubbāparaṃ na jānāti, pubbāparassa akovido;
анусанд̇хиважанабат̇ам̣ на ж̇аанаад̇и;
Anusandhivacanapathaṃ na jānāti;
анусанд̇хиважанабат̇асса аговид̣̇о;
Anusandhivacanapathassa akovido;
зд̣̇исо вужжад̇и б̣аалажод̣̇аго.
Ediso vuccati bālacodako.
сажжам̣ ахамби ж̇аанаами, зд̣̇исо вужжад̇и б̣аалажод̣̇аго;
Saccaṃ ahampi jānāmi, ediso vuccati bālacodako;
ан̃н̃ан̃жа д̇аахам̣ бужчаами, гийд̣̇исо вужжад̇и бан̣д̣ид̇ажод̣̇аго.
Aññañca tāhaṃ pucchāmi, kīdiso vuccati paṇḍitacodako.
буб̣б̣аабарамби ж̇аанаад̇и, буб̣б̣аабарасса говид̣̇о;
Pubbāparampi jānāti, pubbāparassa kovido;
анусанд̇хиважанабат̇ам̣ ж̇аанаад̇и, анусанд̇хиважанабат̇асса говид̣̇о;
Anusandhivacanapathaṃ jānāti, anusandhivacanapathassa kovido;
зд̣̇исо вужжад̇и бан̣д̣ид̇ажод̣̇аго.
Ediso vuccati paṇḍitacodako.
сажжам̣ ахамби ж̇аанаами, зд̣̇исо вужжад̇и бан̣д̣ид̇ажод̣̇аго;
Saccaṃ ahampi jānāmi, ediso vuccati paṇḍitacodako;
ан̃н̃ан̃жа д̇аахам̣ бужчаами, жод̣̇анаа гинд̇и вужжад̇и.
Aññañca tāhaṃ pucchāmi, codanā kinti vuccati.
сийлавибад̇д̇ияаа жод̣̇зд̇и, ат̇о аажаарад̣̇идтияаа;
Sīlavipattiyā codeti, atho ācāradiṭṭhiyā;
ааж̇ийвзнаби жод̣̇зд̇и, жод̣̇анаа д̇зна вужжад̇ийд̇и.
Ājīvenapi codeti, codanā tena vuccatīti.
абарам̣ г̇аат̇аасан̇г̇ан̣игам̣ нидтид̇ам̣.
Aparaṃ gāthāsaṅgaṇikaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇уд̇ияаг̇аат̇аасан̇г̇ан̣игаван̣н̣анаа • Dutiyagāthāsaṅgaṇikavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / жод̣̇анаад̣̇ибужчаависсаж̇ж̇анааван̣н̣анаа • Codanādipucchāvissajjanāvaṇṇanā
