| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೩. ಚೋದಕಸ್ಸಅತ್ತಝಾಪನಂ
3. Codakassaattajhāpanaṃ
ಕೋಧನೋ ಉಪನಾಹೀ ಚ।
Kodhano upanāhī ca;
ಚಣ್ಡೋ ಚ ಪರಿಭಾಸಕೋ।
Caṇḍo ca paribhāsako;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಉಪಕಣ್ಣಕಂ ಜಪ್ಪತಿ ಜಿಮ್ಹಂ ಪೇಕ್ಖತಿ।
Upakaṇṇakaṃ jappati jimhaṃ pekkhati;
ವೀತಿಹರತಿ ಕುಮ್ಮಗ್ಗಂ ಪಟಿಸೇವತಿ।
Vītiharati kummaggaṃ paṭisevati;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಅಕಾಲೇನ ಚೋದೇತಿ ಅಭೂತೇನ।
Akālena codeti abhūtena;
ಫರುಸೇನ ಅನತ್ಥಸಂಹಿತೇನ।
Pharusena anatthasaṃhitena;
ದೋಸನ್ತರೋ ಚೋದೇತಿ ನೋ ಮೇತ್ತಾಚಿತ್ತೋ।
Dosantaro codeti no mettācitto;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಧಮ್ಮಾಧಮ್ಮಂ ನ ಜಾನಾತಿ।
Dhammādhammaṃ na jānāti;
ಧಮ್ಮಾಧಮ್ಮಸ್ಸ ಅಕೋವಿದೋ।
Dhammādhammassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ವಿನಯಾವಿನಯಂ ನ ಜಾನಾತಿ।
Vinayāvinayaṃ na jānāti;
ವಿನಯಾವಿನಯಸ್ಸ ಅಕೋವಿದೋ।
Vinayāvinayassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಭಾಸಿತಾಭಾಸಿತಂ ನ ಜಾನಾತಿ।
Bhāsitābhāsitaṃ na jānāti;
ಭಾಸಿತಾಭಾಸಿತಸ್ಸ ಅಕೋವಿದೋ।
Bhāsitābhāsitassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಆಚಿಣ್ಣಾನಾಚಿಣ್ಣಂ ನ ಜಾನಾತಿ।
Āciṇṇānāciṇṇaṃ na jānāti;
ಆಚಿಣ್ಣಾನಾಚಿಣ್ಣಸ್ಸ ಅಕೋವಿದೋ।
Āciṇṇānāciṇṇassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಪಞ್ಞತ್ತಾಪಞ್ಞತ್ತಂ ನ ಜಾನಾತಿ।
Paññattāpaññattaṃ na jānāti;
ಪಞ್ಞತ್ತಾಪಞ್ಞತ್ತಸ್ಸ ಅಕೋವಿದೋ।
Paññattāpaññattassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಆಪತ್ತಾನಾಪತ್ತಿಂ ನ ಜಾನಾತಿ।
Āpattānāpattiṃ na jānāti;
ಆಪತ್ತಾನಾಪತ್ತಿಯಾ ಅಕೋವಿದೋ।
Āpattānāpattiyā akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಲಹುಕಗರುಕಂ ನ ಜಾನಾತಿ।
Lahukagarukaṃ na jānāti;
ಲಹುಕಗರುಕಸ್ಸ ಅಕೋವಿದೋ।
Lahukagarukassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಸಾವಸೇಸಾನವಸೇಸಂ ನ ಜಾನಾತಿ।
Sāvasesānavasesaṃ na jānāti;
ಸಾವಸೇಸಾನವಸೇಸಸ್ಸ ಅಕೋವಿದೋ।
Sāvasesānavasesassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ದುಟ್ಠುಲ್ಲಾದುಟ್ಠುಲ್ಲಂ ನ ಜಾನಾತಿ।
Duṭṭhullāduṭṭhullaṃ na jānāti;
ದುಟ್ಠುಲ್ಲಾದುಟ್ಠುಲ್ಲಸ್ಸ ಅಕೋವಿದೋ।
Duṭṭhullāduṭṭhullassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಪುಬ್ಬಾಪರಂ ನ ಜಾನಾತಿ।
Pubbāparaṃ na jānāti;
ಪುಬ್ಬಾಪರಸ್ಸ ಅಕೋವಿದೋ।
Pubbāparassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನಂ॥
Tādiso codako jhāpeti attānaṃ.
ಅನುಸನ್ಧಿವಚನಪಥಂ ನ ಜಾನಾತಿ।
Anusandhivacanapathaṃ na jānāti;
ಅನುಸನ್ಧಿವಚನಪಥಸ್ಸ ಅಕೋವಿದೋ।
Anusandhivacanapathassa akovido;
ಅನಾಪತ್ತಿಯಾ ಆಪತ್ತೀತಿ ರೋಪೇತಿ।
Anāpattiyā āpattīti ropeti;
ತಾದಿಸೋ ಚೋದಕೋ ಝಾಪೇತಿ ಅತ್ತಾನನ್ತಿ॥
Tādiso codako jhāpeti attānanti.
ಚೋದನಾಕಣ್ಡಂ ನಿಟ್ಠಿತಂ।
Codanākaṇḍaṃ niṭṭhitaṃ.
ತಸ್ಸುದ್ದಾನಂ –
Tassuddānaṃ –
ಚೋದನಾ ಅನುವಿಜ್ಜಾ ಚ, ಆದಿ ಮೂಲೇನುಪೋಸಥೋ।
Codanā anuvijjā ca, ādi mūlenuposatho;
ಗತಿ ಚೋದನಕಣ್ಡಮ್ಹಿ, ಸಾಸನಂ ಪತಿಟ್ಠಾಪಯನ್ತಿ॥
Gati codanakaṇḍamhi, sāsanaṃ patiṭṭhāpayanti.
