| Library / Tipiṭaka / तिपिटक • Tipiṭaka / परिवारपाळि • Parivārapāḷi |
३. चोदकस्सअत्तझापनं
3. Codakassaattajhāpanaṃ
कोधनो उपनाही च।
Kodhano upanāhī ca;
चण्डो च परिभासको।
Caṇḍo ca paribhāsako;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
उपकण्णकं जप्पति जिम्हं पेक्खति।
Upakaṇṇakaṃ jappati jimhaṃ pekkhati;
वीतिहरति कुम्मग्गं पटिसेवति।
Vītiharati kummaggaṃ paṭisevati;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
अकालेन चोदेति अभूतेन।
Akālena codeti abhūtena;
फरुसेन अनत्थसंहितेन।
Pharusena anatthasaṃhitena;
दोसन्तरो चोदेति नो मेत्ताचित्तो।
Dosantaro codeti no mettācitto;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
धम्माधम्मं न जानाति।
Dhammādhammaṃ na jānāti;
धम्माधम्मस्स अकोविदो।
Dhammādhammassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
विनयाविनयं न जानाति।
Vinayāvinayaṃ na jānāti;
विनयाविनयस्स अकोविदो।
Vinayāvinayassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
भासिताभासितं न जानाति।
Bhāsitābhāsitaṃ na jānāti;
भासिताभासितस्स अकोविदो।
Bhāsitābhāsitassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
आचिण्णानाचिण्णं न जानाति।
Āciṇṇānāciṇṇaṃ na jānāti;
आचिण्णानाचिण्णस्स अकोविदो।
Āciṇṇānāciṇṇassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
पञ्ञत्तापञ्ञत्तं न जानाति।
Paññattāpaññattaṃ na jānāti;
पञ्ञत्तापञ्ञत्तस्स अकोविदो।
Paññattāpaññattassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
आपत्तानापत्तिं न जानाति।
Āpattānāpattiṃ na jānāti;
आपत्तानापत्तिया अकोविदो।
Āpattānāpattiyā akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
लहुकगरुकं न जानाति।
Lahukagarukaṃ na jānāti;
लहुकगरुकस्स अकोविदो।
Lahukagarukassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
सावसेसानवसेसं न जानाति।
Sāvasesānavasesaṃ na jānāti;
सावसेसानवसेसस्स अकोविदो।
Sāvasesānavasesassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
दुट्ठुल्लादुट्ठुल्लं न जानाति।
Duṭṭhullāduṭṭhullaṃ na jānāti;
दुट्ठुल्लादुट्ठुल्लस्स अकोविदो।
Duṭṭhullāduṭṭhullassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
पुब्बापरं न जानाति।
Pubbāparaṃ na jānāti;
पुब्बापरस्स अकोविदो।
Pubbāparassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानं॥
Tādiso codako jhāpeti attānaṃ.
अनुसन्धिवचनपथं न जानाति।
Anusandhivacanapathaṃ na jānāti;
अनुसन्धिवचनपथस्स अकोविदो।
Anusandhivacanapathassa akovido;
अनापत्तिया आपत्तीति रोपेति।
Anāpattiyā āpattīti ropeti;
तादिसो चोदको झापेति अत्तानन्ति॥
Tādiso codako jhāpeti attānanti.
चोदनाकण्डं निट्ठितं।
Codanākaṇḍaṃ niṭṭhitaṃ.
तस्सुद्दानं –
Tassuddānaṃ –
चोदना अनुविज्जा च, आदि मूलेनुपोसथो।
Codanā anuvijjā ca, ādi mūlenuposatho;
गति चोदनकण्डम्हि, सासनं पतिट्ठापयन्ति॥
Gati codanakaṇḍamhi, sāsanaṃ patiṭṭhāpayanti.
