| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৩. চোদকস্সঅত্তঝাপনং
3. Codakassaattajhāpanaṃ
কোধনো উপনাহী চ।
Kodhano upanāhī ca;
চণ্ডো চ পরিভাসকো।
Caṇḍo ca paribhāsako;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
উপকণ্ণকং জপ্পতি জিম্হং পেক্খতি।
Upakaṇṇakaṃ jappati jimhaṃ pekkhati;
ৰীতিহরতি কুম্মগ্গং পটিসেৰতি।
Vītiharati kummaggaṃ paṭisevati;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
অকালেন চোদেতি অভূতেন।
Akālena codeti abhūtena;
ফরুসেন অনত্থসংহিতেন।
Pharusena anatthasaṃhitena;
দোসন্তরো চোদেতি নো মেত্তাচিত্তো।
Dosantaro codeti no mettācitto;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
ধম্মাধম্মং ন জানাতি।
Dhammādhammaṃ na jānāti;
ধম্মাধম্মস্স অকোৰিদো।
Dhammādhammassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
ৰিনযাৰিনযং ন জানাতি।
Vinayāvinayaṃ na jānāti;
ৰিনযাৰিনযস্স অকোৰিদো।
Vinayāvinayassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
ভাসিতাভাসিতং ন জানাতি।
Bhāsitābhāsitaṃ na jānāti;
ভাসিতাভাসিতস্স অকোৰিদো।
Bhāsitābhāsitassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
আচিণ্ণানাচিণ্ণং ন জানাতি।
Āciṇṇānāciṇṇaṃ na jānāti;
আচিণ্ণানাচিণ্ণস্স অকোৰিদো।
Āciṇṇānāciṇṇassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
পঞ্ঞত্তাপঞ্ঞত্তং ন জানাতি।
Paññattāpaññattaṃ na jānāti;
পঞ্ঞত্তাপঞ্ঞত্তস্স অকোৰিদো।
Paññattāpaññattassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
আপত্তানাপত্তিং ন জানাতি।
Āpattānāpattiṃ na jānāti;
আপত্তানাপত্তিযা অকোৰিদো।
Āpattānāpattiyā akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
লহুকগরুকং ন জানাতি।
Lahukagarukaṃ na jānāti;
লহুকগরুকস্স অকোৰিদো।
Lahukagarukassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
সাৰসেসানৰসেসং ন জানাতি।
Sāvasesānavasesaṃ na jānāti;
সাৰসেসানৰসেসস্স অকোৰিদো।
Sāvasesānavasesassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
দুট্ঠুল্লাদুট্ঠুল্লং ন জানাতি।
Duṭṭhullāduṭṭhullaṃ na jānāti;
দুট্ঠুল্লাদুট্ঠুল্লস্স অকোৰিদো।
Duṭṭhullāduṭṭhullassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
পুব্বাপরং ন জানাতি।
Pubbāparaṃ na jānāti;
পুব্বাপরস্স অকোৰিদো।
Pubbāparassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানং॥
Tādiso codako jhāpeti attānaṃ.
অনুসন্ধিৰচনপথং ন জানাতি।
Anusandhivacanapathaṃ na jānāti;
অনুসন্ধিৰচনপথস্স অকোৰিদো।
Anusandhivacanapathassa akovido;
অনাপত্তিযা আপত্তীতি রোপেতি।
Anāpattiyā āpattīti ropeti;
তাদিসো চোদকো ঝাপেতি অত্তানন্তি॥
Tādiso codako jhāpeti attānanti.
চোদনাকণ্ডং নিট্ঠিতং।
Codanākaṇḍaṃ niṭṭhitaṃ.
তস্সুদ্দানং –
Tassuddānaṃ –
চোদনা অনুৰিজ্জা চ, আদি মূলেনুপোসথো।
Codanā anuvijjā ca, ādi mūlenuposatho;
গতি চোদনকণ্ডম্হি, সাসনং পতিট্ঠাপযন্তি॥
Gati codanakaṇḍamhi, sāsanaṃ patiṭṭhāpayanti.
