| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੬. ਚੀવਰਸਿਬ੍ਬਨਸਿਕ੍ਖਾਪਦવਣ੍ਣਨਾ
6. Cīvarasibbanasikkhāpadavaṇṇanā
ਸੂਚਿਂ ਪવੇਸੇਤ੍વਾ ਪવੇਸੇਤ੍વਾ ਨੀਹਰਣੇਤਿ ਆਰਾਪਥੇ ਆਰਾਪਥੇ ਪਾਚਿਤ੍ਤਿਯਂ। ‘‘ਸਿਬ੍ਬਿਸ੍ਸਾਮੀ’’ਤਿ ਪਨ વਿਚਾਰੇਨ੍ਤਸ੍ਸ, ਛਿਨ੍ਦਨ੍ਤਸ੍ਸਾਪਿ ਦੁਕ੍ਕਟਂ। ਸਤਕ੍ਖਤ੍ਤੁਮ੍ਪਿ વਿਜ੍ਝਿਤ੍વਾ ਸਕਿਂ ਨੀਹਰਨ੍ਤਸ੍ਸਾਤਿ ਸਕਲਸੂਚਿਂ ਅਨੀਹਰਨ੍ਤੋ ਦੀਘਸੁਤ੍ਤਪ੍ਪવੇਸਨਤ੍ਥਂ ਸਤਕ੍ਖਤ੍ਤੁਮ੍ਪਿ વਿਜ੍ਝਿਤ੍વਾ ਸਕਿਂ ਨੀਹਰਨ੍ਤਸ੍ਸ। ‘‘ਸਿਬ੍ਬਾ’’ਤਿ વੁਤ੍ਤੋਤਿ ਸਕਿਂ ‘‘ਚੀવਰਂ ਸਿਬ੍ਬਾ’’ਤਿ વੁਤ੍ਤੋ। ਨਿਟ੍ਠਾਪੇਤੀਤਿ ਸਬ੍ਬਂ ਸੂਚਿਕਮ੍ਮਂ ਪਰਿਯੋਸਾਪੇਤਿ। ਤਸ੍ਸ ਆਰਾਪਥੇ ਆਰਾਪਥੇ ਪਾਚਿਤ੍ਤਿਯਨ੍ਤਿ ਆਣਤ੍ਤਸ੍ਸ ਸੂਚਿਂ ਪવੇਸੇਤ੍વਾ ਪવੇਸੇਤ੍વਾ ਨੀਹਰਣੇ ਏਕਮੇਕਂ ਪਾਚਿਤ੍ਤਿਯਂ।
Sūciṃ pavesetvā pavesetvā nīharaṇeti ārāpathe ārāpathe pācittiyaṃ. ‘‘Sibbissāmī’’ti pana vicārentassa, chindantassāpi dukkaṭaṃ. Satakkhattumpi vijjhitvā sakiṃ nīharantassāti sakalasūciṃ anīharanto dīghasuttappavesanatthaṃ satakkhattumpi vijjhitvā sakiṃ nīharantassa. ‘‘Sibbā’’ti vuttoti sakiṃ ‘‘cīvaraṃ sibbā’’ti vutto. Niṭṭhāpetīti sabbaṃ sūcikammaṃ pariyosāpeti. Tassa ārāpathe ārāpathe pācittiyanti āṇattassa sūciṃ pavesetvā pavesetvā nīharaṇe ekamekaṃ pācittiyaṃ.
ਉਦਾਯਿਤ੍ਥੇਰਨ੍ਤਿ ਲਾਲ਼ੁਦਾਯਿਤ੍ਥੇਰਂ। વੁਤ੍ਤਲਕ੍ਖਣਂ ਸਿਬ੍ਬਨਂ વਾ ਸਿਬ੍ਬਾਪਨਂ વਾਤਿ ‘‘ਸੂਚਿਂ ਪવੇਸੇਤ੍વਾ’’ਤਿਆਦਿਨਾ વੁਤ੍ਤਲਕ੍ਖਣਂ ਸਿਬ੍ਬਨਂ વਾ ਸਿਬ੍ਬਾਪਨਂ વਾ।
Udāyittheranti lāḷudāyittheraṃ. Vuttalakkhaṇaṃ sibbanaṃ vā sibbāpanaṃ vāti ‘‘sūciṃ pavesetvā’’tiādinā vuttalakkhaṇaṃ sibbanaṃ vā sibbāpanaṃ vā.
ਚੀવਰਸਿਬ੍ਬਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Cīvarasibbanasikkhāpadavaṇṇanā niṭṭhitā.
