| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൧൦. ചീവരാപനിധാനസിക്ഖാപദവണ്ണനാ
10. Cīvarāpanidhānasikkhāpadavaṇṇanā
൩൭൯. ദസമേ യസ്മാ നിസീദനസന്ഥതം ചീവരനിസീദനമ്പീതി ഉഭയമ്പി സദസമേവ, തസ്മാ തം ഉഭയമ്പി ഏകതോ കത്വാ ‘‘നിസീദനം നാമ സദസം വുച്ചതീ’’തി ആഹ. തത്ഥാപി ചീവരഗ്ഗഹണേന ചീവരനിസീദനം ഗഹിതമേവാതി അത്ഥതോ സന്ഥതനിസീദനമേവ വുത്തം ഹോതി. യദി ഏവം ‘‘നിസീദനസന്ഥതം നാമ സദസം വുച്ചതീ’’തി വത്തബ്ബന്തി? ന, ഇതരസ്സ അനിസീദനഅദസഭാവപ്പസങ്ഗതോ. ഏത്ഥ നിസീദനസന്ഥതസ്സ പാചിത്തിയവത്ഥുത്താ ഇതരമ്പി പാചിത്തിയവത്ഥുമേവാതി വേദിതബ്ബം തജ്ജാതികത്താ. സസ്സാമികേ സൂചിഘരേ സൂചിഗണനായ ആപത്തിയോതി പോരാണാ.
379. Dasame yasmā nisīdanasanthataṃ cīvaranisīdanampīti ubhayampi sadasameva, tasmā taṃ ubhayampi ekato katvā ‘‘nisīdanaṃ nāma sadasaṃ vuccatī’’ti āha. Tatthāpi cīvaraggahaṇena cīvaranisīdanaṃ gahitamevāti atthato santhatanisīdanameva vuttaṃ hoti. Yadi evaṃ ‘‘nisīdanasanthataṃ nāma sadasaṃ vuccatī’’ti vattabbanti? Na, itarassa anisīdanaadasabhāvappasaṅgato. Ettha nisīdanasanthatassa pācittiyavatthuttā itarampi pācittiyavatthumevāti veditabbaṃ tajjātikattā. Sassāmike sūcighare sūcigaṇanāya āpattiyoti porāṇā.
ചീവരാപനിധാനസിക്ഖാപദവണ്ണനാ നിട്ഠിതാ.
Cīvarāpanidhānasikkhāpadavaṇṇanā niṭṭhitā.
സമത്തോ വണ്ണനാക്കമേന സുരാപാനവഗ്ഗോ ഛട്ഠോ.
Samatto vaṇṇanākkamena surāpānavaggo chaṭṭho.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൬. സുരാപാനവഗ്ഗോ • 6. Surāpānavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൧൦. ചീവരാപനിധാനസിക്ഖാപദവണ്ണനാ • 10. Cīvarāpanidhānasikkhāpadavaṇṇanā
